Populære bibelvers fra وَحی 9

Del

بَکیَه آدامیزاد که وَ اِ بَلائیا کُشتَه نِبُدِت، نِه از اعمال دستیاشو توبَه شُکِه، نِه دست از پرستش کِردَهِ دیویا شُناسِه و نِه دست از پرستش کِردَهِ بُتِی طِلا و نُکرَه و بُرنز و سنگ و دار شُناسِه، مِ بُتِی که نِه شاشابِه بِبِنِت و نِه بِشناوِت و نِه رَه اُچِت. آنایا از آدامکُشیشو و جُودَه‌ای‌شو و بی‌عفتیشو و دُزی‌شو هم توبَه شُنِکِه.

مِ موکَوا از تِی دود، مَیگِی فَلی اُ لِی زِمی اُندِت و اُ آنایا کُدرتی چُنِ کُدرت عَکربِی زِمی دَدَ بو. اُ آنایا گُتَه بو که نِه اُ عَلافِی لِی زِمی، و نِه اُ هیچ گیاه سَوُزی و نِه اُ هیچ درختی، ضرر نِرَسِنِت، بلکه فَکَط اُ مِ آدامِی ضرر بِرَسِنِت که مُهر خدائا لِی پِشانیشو شُنی.

فرشتَه پنجم شیپورُش شُ صدا در اَئو، و ما یَک اِستَرَئی اُمدی که از آسِمو، زِمی اُفتَدِ. اُ اِ اِستَرَ وا، کِلیل چاه هاویَه دَدَ بو. مِ چاهی که تَه اُشنی.

اُ آنایا اجازَه دَدَ بو که اُ اِ آدامیا پنج ماه عذاب هاتِت، ولی شُنِکشِت. عذابی که آنایا شُکَشی چُنِ عذاب نیش عَکرب هاد، وَختی که اُ کسی اَزاد.

پادشاه آنایا فرشتَه چاه هاویَه‌ئِه، اسمُش تِی زابُنِ عِبرانی ’اَبَدون‘، و تِک زابُنِ یونانی ’آپولیونِه‘ یعنی نابود کنندَه.