Populære bibelvers fra نامَه فیلیپِنیا 1

Del

ما از اِ مطمئنام آناکِه کَر خَشا تِی شما شروع اُشکِه، اُ آنا تا راز آگِشتَئِه عیسی مسیح کامل اَدَکو.

دعام اِئِه که محبت شما بِشتَه بِشتَه بِبِه و اُمرَهِ شناخت و فَهم کامل بِه، تا مِ چِی که بِهتَه از هَمَئِه تایید بِکنی و اَسِی راز آگِشتَئِه مسیح، پاک و بی‌عیب بی

اَسِی که، اَسِی ما زندگی کِردَ مسیحِه، و مُردَه سود.

هر وَخت که شمائا اُ یاد اَدارام، اُ خدای خوم شکر اَکنام

فَکَط بِهِری روش زندگیتو شایستَهِ انجیل مسیح بِه، تا اینایی چه بِلگام و تُبِبنام و چه نِبام، دربارَه‌تو بِشناوام که تِی یَک روح مُحکام وَایستَدِستی، خاد یَک فکر، شانَه وَ شانَه یَکُدو، اَسِی ایمون انجیل سعی کِردای،

هَموناکِه وَ شوک و ذوک انتظار اَکَشام و امید اُمَ که، تِی هیچ چی خَجالَت زادَ نابام، بلکه وَ دِلِرزِنِ تَموم، آلَه هم چُنِ همیشَه، چه وَ زندگی و چه وَ مرگ، مسیح تِی بَدنُم جلال پیدا اَکو.

اَسِی که اِ افتخارا نصیبتو بُدِ که نِه فَکَط اُ مسیح ایمون بیاری، بلکه وَخاطرُش عذاب هم بِکَشی.