Populære bibelvers fra انجیل یوحَنا 6

Del

عیسی شُ آنایا گُت: «نُنی که زندگی اَدَ ما هام. هرکَه حَدِ ما بیاد، گُشنَه نابِه، و هرکَه اُ ما ایمون بیارِ هِسوَخت تشنَه نابِه.

روح خدائِه که زندگی اَدَ؛ جسم فایدَه‌ای اُشنی. حرفِی که ما مُ شما گُتِه، روح و زندگیه.

اَسِی خوراکی که از بین اَچِه، کَر مَکنی، بلکه اَسِی خوراکی کَر بِکنی که تا زندگِنِ اَبَدی اَدَمانِه، یعنی مِ خوراکی که پُسِ انسان اُ شما اَدَ. اَسِی که لِی آنائِه که خدای با، مُهر تأیید اُشزادِ.»

اَسِی که مِ چِی که بای آسِمونِنِ ما شَئِه اِئِه که هرکَه چَشُش اُ پُس بِه و اُ آنا ایمون بیارِ، زندگِنِ اَبَدی اُشبِه، و ما اُ آنا تِی رازِ آخر زندَه اَدَکنام.»

عیسی جوابشو اُشدَ و اُشگُت: «کَر خدا اِئِه که اُ کسی که آنا اُشفِرِستَدِ ایمون بیاری.»

هَمَهِ کسِی که بای آسِمونی اُ ما اَدَ، حَدِ ما دِئِت؛ و هرکَه حَدِ ما بیاد، هِسوَخت شُدَر ناکنام.

شَمعون پِطرُس شُ آنا جواب دَ: «سرور اَما، حَدِ کِه اُچِم؟ کلمَه‌ئِی زندگِنِ اَبَدی حَدِ توئِه.

مِ نُنی که زندگی اَدَ ما هام، مِ که از آسِمو زیر اُمَ. هرکَه از اِ نُنا بِخَه، تا اَبَد زندَه اَدَمانِه. نُنی که ما اَتام تا مردم دنیا زندگی شُبِه، بَدن مائِه.»

هِسکَه اُشناشابِه حَدِ ما بیاد مَ اِکِه مِ بایی که اُشفِرِستَدام، اُ آنا طرف ما بیارِ، و ما تِی رازِ آخر اُ آنا زندَه اَدَکنام.

اَسِی که نُنِ خدا آنائِه که از آسِمو زیر اَدا و اُ دنیا زندگی اَدَ.»

نُنی که زندگی اَدَ، ما هام.

مِ موکَوا عیسی نُنیا شاسِه، و بعد از شکر کِردَ بین کسِی که اُداستادِت تکسیم اُشکِه، و هَمینا هم مَهِنیا. اُ هرکَه مِکَّد که شَئِست شُدَ. وَختی که جمعیت شُخَه و سیر آبُدِت، عیسی شُ شاگردیاش گُت: «خُردَ تِکَه‌ئِی که آمودِ جمع آکنی تَ چی اسراف نِبِه.»

وَختی حدود یَک فَرسَخ، پارو شُزادِستاد، اُ عیسی شُدی که لِی دریاچَه رَه چِدا و اُ کایِک نَزیک آبُدا. آنایا تِرسِدِت. ولی عیسی شُ آنایا گُت: «ما هام؛ مَتِرسی.»