Populære bibelvers fra نامَه کولُسِنیا 3

Del

اُ یَکُدو تحمل بِکنی و اَگَه یکیتو از یِکِیدو شکایت اُشَه، اُ یَکُدو بِبَخشی. هَموناکِه خداوند اُشبَخشِدِستی، شما هم باید اُ یَکُدو بِبَخشی.

فکریاتو لِی چِی‌یَی هُنِسی که بَرائِه، نِه مِ چِی‌یَی که لِی زِمیه.

هر کَری که اَنجوم اَتی از دل و جو اَنجوم هاتی اوناکِه اُنگار اَسِی خداوند کِردای، نِه اَسِی آدامیا،

پَ چُنِ برگزیدَه‌ئِی خدا که مکدّس و عزیز هِت، دلسوزی، مهربونی، فروتنی، اُفتادَگی، و صبوریا اُبار کِنی.

بِهِری کلوم مسیح وَ فَراوونی تِی شما وامانِه، خاد تَمومی حکمت، اُ یَکُدو تعلیم هاتی و نصیحت بِکنی؛ مَزموریا، سرودیا و شَلوائِی روحانی هُخوانی، خاد مِ شکرگزارِنی که تِی دلتو اُ خدا تُهَه. هر کَری اَکنی، تِی گفتار یا تِی رفتار، مَچیا وَ اسم خداوندْ عیسی اَنجوم هاتی، و اُ واسطَهِ آنا خدای بائا شکر بِکنی.

و لِی هَمَهِ اِیا محبتا اُبار کِنی، که مَچیا تِی یَک اتحاد کامل اُیَه، اَدَبانِه.

پَ اَگَه شما خاد مسیح زندَه آبُستی، اَزدُمِ مِ چِی‌یَی بی که بَرائِه، مِکاکِه مسیحِه، و اُ دست راست خدا اُدائی.

بِهِری صلح و سلامتِنِ مسیح تِک دلتو حاکم بِه، که واکعاً تِک یَک بَدن اُ آنا دعوت بُستی. و شکرگزار بی.

پَ مِ چِی که تِی شما زِمِنیه، بِکشی، یعنی بی‌عفتی، ناپاکی، هوی و هَوس، خواستَه بَد و طَمَع که هَمِ بُت‌پرستیه.

اَسِی که شما مُردِستی و زندگِنِ شما خاد مسیح تِی خدا پِنهونِه.

ولی اَلَه شما باید هَمَهِ اِ چِی‌یَه‌وا اُ لَرد نِسی: یعنی تَریخی، خشم، بَدجنسی، تهمت و حرفِی زشتا از کَپتو.

اُ یَکُدو دارُو مَگائی، اَسِی که مِ انسانیّت کاهنَه‌وا خاد کَریاش از بارتو تُن در اَئوردِ. و مِ انسانیّت جدیدا تُن بار کِردِ که تِی شناخت حکیکی تازَه بُدا، تا اُ شَکل و شمایل خالکُش در بیاد.

اَی شوی‌یا، خاطر زِنیاتو تُبِئِه و خاد آنایا تُندی مَکنی.

اَی بَچیا، تِی مَچی از با و نَنَهِ خوتو اطاعت بِکنی، اَسِی که اِ اُ خداوند خشنود اَکو.

اَی زِنیا، مطیع شوی‌یاتو بی، هَموناکِه تِی خداوند شایستَئِه.