Populære bibelvers fra نامَه اوّل تیموتائوس 3

Del

اَما اُ زابو دارِم که سِررِ دینداری واکعاً گاتِه: آنا تِی جسم ظاهر بو، اُ واسطَهِ روح خدا بَر حَک بُدَش ثابت بو، فرشتَه‌یّا اُ آنا شُدی، بین ملتیا اعلام بو، تِی دنیا اُ آنا ایمون شُئو، و تِی شکوه و جلال، اُ بَرا بُردَ بو.

پَ یَک ناظر باید تِی زندگیش چِی اُشنِبِه که وَخاطرُش سَرکوفت اُشبِزنِت، شوی یَک زن بِه، هوشیار، خوددار، آبرومند و مِهمون‌نواز بِه و اُشبِشابِه تعلیم هادَ؛

آنا باید وَ وَلمی اُ اهل خونَش اِدارَه بِکو و اُ بَچ و بارُش اونا تربیت بِکو، که وَ یَک سنگین رنگِنِنِ کامل از آنا اطاعت بِکنِت.

هر یَک از شَمّاسیا باید شوی یَک زن بِه و اُ بَچ و باریاش و اُ اهل خونَش وَ وَلمی اِدارَه بِکو. اَسِی که آنایایی که وَ عنوان شَمّاسیا، وَلم خدمت اَکنِت، اَسِی خوشو جایگاه خَشی اُ دست دارِت و هَمینا هم اُ ایمونی که تِی مسیحْ عیسائِه، اطمینان گاتی اُ دست دارِت.