Populære bibelvers fra نامَه اوّل یوحَنا 3

Del

اَی بَچیا، بِلگی محبت بِکنِم، نِه تِی حرف و زابو، بلکه تِی رفتار و تِی حکیکت!

محبتا از اِکا اَشناسِم که آنا جونُش تِی رَهِ اَما اُشدَ، و اَما هم باید جونمو تِی رَهِ کاکَیّا هاتِم.

بِبِنی بای آسِمونی چه محبت گاتی شُ اَما کِردِ تا اولادِی خدا جار مُبِزنِت! و اَما اینا هم هِم! دنیا اُ اَما ناشناسِه، اَسِی که اُ آنا اُشنِشناخت.

هرکَه تِی گناه زندگی اَکو از ابلیسِه، اَسِی که ابلیس از مِ اوّلا گناه شَکِه. پُسِ خدا وَخاطر اِ ظاهر بو تا کَرِی ابلیسا نابود بِکو.

کسی که از خدا اُ دنیا اُندِ تِی گناه زندگی ناکو، اَسِی که ذات خدا تِی آنا اَدَمانِه؛ و آنا اُشناشابِه اُ گناه کِردَ ادامَه هادَ، اَسِی که مِ آداما از خدا اُ دنیا اُندِ.

ولی اَگَه کسی مال و مِنال اِ دُنیَه‌وا اُشَه و بِبِنِه که کاکَشو محتاجِه، و هَنو دلُش لِی مِ آداما وابانِه، چینا محبت خدا تِی آنا آمودِ؟

هرکَه حُکمِی آنا اَنجوم هادَ، آنا تِی خدا آمودِ و خدا تِی آنا. اُ واسطَهِ مِ روحی که خدا شُ اَما دَدِ، اَدانِم که آنا تِی اَما آمودِ.

اینا معلوم اَبِه چه کسِی اولادِی خدا هِت و چه کسِی اولادِی ابلیس هِت: هرکَه مِ چِی که وَلمِه اَنجوم نادَ از خدا نی، و هَمینا هم هرکَه اُ کاکَی خوش محبت ناکو.

اَسِی که اِ پیغومیه که از اوّل تُشُنُفتِ، که باید اُ یَکُدو محبت بِکنِم.

اَی کاکَیّا، از اِکِه دنیا نَخچ شما اُشنی، تعجب مَکنی.