Populære bibelvers fra ရှင်လုကာ 10

Del

နားထောင်ကြလော့။ ငါသည် သင်တို့အား မြွေဆိုးများနှင့် ကင်းမြှီးကောက်များကို နင်းချေ၍ ရန်သူ၏တန်ခိုးအလုံးစုံကို နှိမ်နင်းနိုင်ရန် တန်ခိုးအာဏာကို ပေးအပ်ထားပြီးဖြစ်၏။

ထိုအခါ ကိုယ်တော်က “မာသ၊ သင်သည် အရာရာကိုစိုးရိမ်စိတ်နှင့် အလုပ်များနေသော်လည်း အမှန်စင်စစ် လိုအပ်သောအရာသည် တစ်ခုတည်းရှိ၏။ မာရိသည် ထိုကောင်းမွန်သောအရာကို ရွေးချယ်ထားပြီးဖြစ်၍ ၎င်းကို သူမထံမှ မဖယ်ရှားသင့်ပေ” ဟုမိန့်တော်မူလေ၏။

ထိုသူက “ကျမ်းစာ၌ ‘သင်၏အရှင်သခင်ဖြစ်တော်မူသော ဘုရားရှင်အား သင်၏စိတ်နှလုံးအကြွင်းမဲ့၊ သင်၏စိတ်ဝိညာဉ်တစ်ခုလုံး၊ သင်၏အစွမ်းသတ္တိရှိသမျှနှင့် သင်၏အသိဉာဏ်ရှိသမျှတို့ဖြင့် မေတ္တာထားချစ်ခင်ရမည်ဟူ၍လည်းကောင်း၊ သင်၏အိမ်နီးချင်းကိုလည်း မိမိကိုယ်ကိုမေတ္တာထားချစ်ခင်သလို ချစ်ခင်ရမည်ဟူ၍လည်းကောင်း’ ရေးသားထားပါသည်” ဟုပြန်လည်လျှောက်တင်လေ၏။

တပည့်တော်တို့အား မစေလွှတ်မီ ကိုယ်တော်က သူတို့အား ဤကဲ့သို့မိန့်မှာတော်မူ၏။ ၎င်းမှာ “ငါ့အား လက်ခံယုံကြည်ရန် အသင့်ဖြစ်နေသော လူများစွာရှိသော်လည်း ထိုသူတို့ထံ မင်္ဂလာသတင်းကောင်းကို ဟောပြောဝေငှရန်လူတို့မှာကား နည်းပါးလှ၏။ ထိုသူတို့သည် ရိတ်သိမ်းရန် အသင့်ဖြစ်နေသော ကြီးမားကျယ်ပြန့်သည့်လယ်ကွင်းနှင့်တူ၏။ သို့သော်ငြား ၎င်းကိုရိတ်သိမ်းရန်အတွက် လုံလောက်သောလုပ်သားများမရှိပေ။ ထို့ကြောင့် ရိတ်သိမ်းခြင်း၏အရှင် ဘုရားရှင်ထံတော်၌ ရိတ်သိမ်းရန်လုပ်သားများ ပိုမိုစေလွှတ်ပေးရန် ဆုတောင်းလျှောက်ကြလော့။

ထို့နောက် ကိုယ်တော်က ကျမ်းတတ်ဆရာအား “ထိုသူသုံးဦးတွင် မည်သူသည် ဓါးပြတိုက်ခံရသောသူ၏အိမ်နီးချင်းအစစ်ဖြစ်မည်နည်း” ဟုမေးလေ၏။ ထိုအခါ ကျမ်းတတ်ဆရာက “ဓါးပြတိုက်ခံရသောသူအပေါ်၌ သနားကရုဏာသက်၍ ကူညီပေးသောသူဖြစ်ပါ၏” ဟုပြန်လည်ဖြေကြားလေရာ ကိုယ်တော်က “သင်သည်လည်း သွား၍ လူတို့အား ဤနည်းအတိုင်းပြုကျင့်လော့” ဟု မိန့်တော်မူ၏။

ယခု သင်တို့သည် လူတို့ထံ သတိမူ၍ သွားကြလော့။ အကြောင်းမူကား ကူကယ်ရာမဲ့သောသိုးငယ်ကဲ့သို့သော သင်တို့အား သားရဲဝံပုလွေများကဲ့သို့သော သင်တို့ကို ဆန့်ကျင်ကြမည့်လူများထံသို့ ငါစေလွှတ်တော်မူသောကြောင့်ဖြစ်၏။