Populære bibelvers fra Sealm 42

Del

For hwy eart þu unrot, min mod and min sawl, and hwy gedrefst þu me? Hopa to Drihtne - for þam ic gyt hine andette, for þam he is min hælend and min God.

Swa heort wilnað to wætre þonne he werig byð oþþe ofþyrst, swa wilnað min sawl and min mod to þe, Drihten. Mine sawle þyrst and lyst þæt heo mæge cuman to Gode, for þam he is se libbenda wylle. Eala Dryhten, hwænne gewyrð þæt, þæt ic cume and ætywe beforan Godes ansyne?

For hwi eart þu þonne unrot, min sawl and min mod; hwi gedrefe gyt me? Hopa to Drihtne - for þam ic hine gyt andette, for þam he ys min hælend and min God.

Me wæran mine tearas for hlafas, ægþer ge on dæg ge on niht, þonne ic gehyrde mine fynd cweþan: “Hwær is þin God þe þu to hopast?”

Wið me sylfne wæs min sawl and min mod gebolgen and gedrefed; for þæm ic eom gemyndig þin, Drihten, be Iordane staðe, and on þam lytlan cnolle þe Ermon hatte.