Populære bibelvers fra Roma 16

Del

Gado di e gi freide, sa broko a makti fu Satan her'esi na ondro un futu. Meki a bun-ati fu wi Masra Yesus de nanga unu.

Brada nanga sisa, mi e begi un tangitangi fu un luku bun nanga den sma di e tyari prati kon na un mindri, èn di e meki trawan bribi sani san no e agri srefsrefi nanga a tru leri san un kisi. Un no mus bemui nanga den.

Bika den sortu sma disi no e dini Kristus, wi Masra. Na densrefi den e dini. Nanga moi wortu èn nanga switi taki den e bedrigi den sma di no e si taki na puru den wani puru den tapu a pasi fu Masra.

Gado abi makti fu meki un kon tranga. Disi na a bun nyunsu fu Yesus Kristus di mi e ferteri unu. Na wan kibritori di ten na ten sma no ben sabi. Ma Gado di e libi fu têgo, taki now taki a mus kon na krin. A ben meki den profeiti skrifi en, fu ala folku kan teki bribi èn du a wani fu En. Na Gado wawan, di abi ala koni, mus kisi grani fu têgo fu di A seni Yesus Kristus kon. Amen.