Populære bibelvers fra रोमापा 4

Del

धेनी को़न्‍क्षोकगी धाम्‍चाला धेपा मेता, आब्‍राहामगी दोक्‍पा माझ्‍येवालाक हीना ॱयोल्‍ले खोङगी धेपा तेन्‍पो झ्‍युरी, को़न्‍क्षोकला तो़पा पुवालाक। धेनी को़न्‍क्षोकगी जेजा धाम्‍चागो जे थुप्‍कीन नी़थु, खोङबाला हो़तालाक ॱनेरी आब्‍राहाम तेन्‍देन हो़तालाक।

दी कोरला सुङरापला देरे ढीक हो़तालाक, “ङी ख्‍यो़ला मीरीक माङागी आकी को़वाहीन।” मी स्‍यीस्‍याक्‍याला सो़न्‍दु जेगीन धाङ मेगीनक्‍याला हो़गीन जेगीन, को़न्‍क्षोकला आब्‍राहामगी धेपा झ्‍येवालाक। धेनी खोङगी ॱमीक्‍वादु आब्‍राहाम होरी याप लाक।

होरी धीक्‍पाक्‍याई झ्‍येरी, येशु छीवाला तेरपालाक धेनी होराङला ढाङपो जेयेगी क्षीदु, खोङ कुसो़न्‍पो श्‍याङदु च्‍युक्‍पालाक।

रेवा झ्‍यीसा दो़नराङ मेती घाङलाः, आब्‍राहामगी रेवा झ्‍येरी धेपा झ्‍येवालाक। धेनी खोङ मीरीक माङागी याप झ्‍युवालाक। दी कोरला सुङरापला देरे ढीक हो़तालाक, “ख्‍यी़ ग्‍युपाक्‍या होदेजो़राङ झ्‍युङगीलाक।”

होझ्‍येरी धाम्‍चागो थुक्‍जेला तेन्‍ती धेनी आब्‍राहामगी भुग्‍यु घीरीला गेन्‍लेन झ्‍युङयेगी क्षीदु, धेपागी खाला रा ली़दालाक। दे धाम्‍चा दे नी, क्षो़ठीम ॱरुङगीनक्‍याई क्षीदु च्‍यीगा मेन्‍दा, आब्‍राहामगी धेपा च्‍योक्‍रे हो़गीनक्‍याई क्षीदुवाः लाक। घीझ्‍येरी ॱनाना खोङ नी होराङ घीरीगी याप लाक।

“धीक्‍पागी ङेपा सेसा मीक्‍या धाङ धीक्‍पा काप्‍का मीक्‍या, झ्‍यीलाप क्षे लाक। चोवोगी धीक्‍पा ची माश्‍या जेजा, मीगो झ्‍यीलाप क्षे लाक।”

घीझ्‍येरी ॱनाना सुङरापगी देरे सुङालाक, “आब्‍राहामगी याहोवेला धेपा झ्‍येवालाक धेनी खोङबागी खी़ धेपाला ढाङपो हो़गीनगो चीवालाक।”