Populære bibelvers fra 1 Timoti 3

Del

Yoshemwa kwithsa o ku hamura okuru o diano dyo thsitawo thsetu, Krisitu wa hokokire konu, Mupepo wa pire ombangi o ku monithsa ci muwawa, wa moniwire ku tungeru, kwa hongiwire yenthzi mu matunga oahe, kaye ka mu tawire, wa twariwire mu wiru mu kutethzima.

Mutangereri o kereke aa roera kwikara munu o kupira kapongonyi. Aa roera ku yeka mbuyama yofoci, o ku twethsa ku kwata mucima, ku cihenga, ku remekiwa, ku tambura enda, ku twethsa ku rongithsa

Aa roera ku endithsa nawa mwanda wenthzi. Anenthzi a mu yuvere no ku mu pa direma.

Ngamba o kereke aa roera kwikara mukwerume oyu di no mbuyama yofoci. Aa roera ku endithsa nawa anenthzi no mwanda wenthzi. Inene angamba o kereke awa a kwama nawa ekwama yo kenge a ku tambura direma kwamweya karo nondume ko kuyara mu thsitawo mwa Krisitu Yesu.