ဇဝ် ယေဆူ ဝီ တဝ်း၊ “ဒါရာ ပီ လုဝ် ဒူပ် အေ အာတ့် ဒူပ် အေ ဒါရာ ဒွန် ညွင့်၊ န့ တဝ်း၊ ‘ထူမ်၊ ထူမ်၊ ဘေ ဒူအီ အီဆာရေလ။ အန် ဇဝ်၊ အီ မုး ဇဝ်ဖြာ ပီ ကြိုပ် ဘေ၊ အန် မုး ဇဝ်ဖြာ အူ ကာဒင်။ အန် ဘော မုး ဇဝ်ဖြာ အီ အိုပ် ဘေ။ ဘေ လုဝ် ရွက့် အန် ဇဝ် တီ၊ တဲး ဘော နဝ်း ဘော တူတ့် ရွက့် အန်။ ခဲ့ ပွိုန် ဘေ ရွက့် ခဲင် နဝ်း၊ ခဲ့ မိုဝ်း ဘေ အာငျာန်၊ ခဲ့ မိုဝ်း ဘေ ပ့လူမ်၊ ဘေ လုဝ် ဒိုဝ်း တူတ့် ဒွန် မျုဝ် ဇိုဝ် တီ၊ ဝီ ရွက့် အန် ဇဝ်။’ ဒါရာ ပေါ အူ ညွင့် အီ တာင် ဒဲင် ဒါရာ ညွင့် ဟဝ်၊ န့ ပါယ် နီ၊ ‘ဘေ လုဝ် ရွက့် အီ ဟဝ်၊ တဲး န့ ပီ ဘေ ရွက့် ဒုဝ် ဘြိမ် ဘေ။’ န့ မုး ဒါရာ အာ ညွင့် တီ၊ ပီ လုဝ် ဒူပ် အေ အာတ့် ဒူပ် ဒါရာ ဒွန် ညွင့်။”