Populære bibelvers fra မထ 9

Del

ပန် တီ အန် ဝီ ကာလာင် အူဖာမာ ပေါ အူ မျုဝ် ဒီ ဒီဘဲ အန်။ အန် တဝ်း၊ “ဒူအီ အီ ဆီ ထူမ် လွင် ဇဝ်ဖြာ ဂေ ကိူန်။ ဂေ ပီ မာန် ငှုဝ် အီ ဟဲ့ ဆိန်၊ အီ ဟဲ့ လုဝ် ဆုဝ့်။ ဂေ ဒူအီ အီ ဆုဝ့် ငှုဝ် တီ ယီ ပြေတ့်။ ခုဝ်၊ အုဝ် တဝ်း၊ တဲး ဘေ မှာန့် ဒီ ဇဝ်ဖြာ အီ ပီ ဒါ ကာညာ မာန် ငှုဝ် တီ၊ တဲး အန် တိုယ် ဒူအီ အီ ဒဲ့ ဒူအီ ဒူပ် ဇဝ်ဖြာ၊ တဲး ဂေ ဘူင် ပီ ဒူအီ အီ ဆုဝ့် ငှုဝ်။”

ဘေ ဘော လုဝ် ဇေန့်ဇာ လွင် ဒါင် ဂြုဝ်း ဇဝ်ဖြာ ပီ ကာလာင် အန်။ အန် ဟဲ့ ဒွိုမ် တဝ်း၊ ‘အုဝ် တူ လုဝ် ဘေ လှူ ဘဲန် မျုဝ် ဘဲန် မျုဝ် ဒီ အုဝ်။ အုဝ် ဆီ တဲး ဘေ ကာဝေ အီ ဟဝ်။’ ပါယ် တီ၊ ဘော အုဝ် တူ တး ဒဲင် ကာဒါယ် နီ၊ တဲး အုဝ် ဒဲ့ ဒူအီ မွှိုမ် တး ဒူပ် အုဝ်။ အုဝ် ဟဲ့ တး၊ တဲး အုဝ် ဒဲ့ ဂေ ဒူအီ မိုဝ်း မှာပ် တး ဒူပ် အုဝ်။”

အန် ဘော ယိုဝ် ဂေ ဒူအီ ကိူန်၊ အန် ဝီ ကာဝေ ဂေ။ ခုဝ်၊ ဂေ ပီ မာဘူ အီ တူ မိုဝ်း ဒါ အီ ဟျီင်။ န့ ဘဲန် ဒုက် ဘဲန် ညှာပ် ဒီ နဝ်း ဂေ၊ အာဝ် မိုဝ်း အီ စွယ် ဂေ။

ဇဝ် ယေဆူ ယိုဝ် ဂြုဝ်း ဂေ တီ။ အန် ဝီ တဝ်း၊ “ဆေ ဒူအီ ဟဲ့ ပ့လူမ် ခ၊ အန် တူ လုဝ် ဆာရာဝူန်။ ဆေ အန် ယီ မိုဝ်း ဆဝ် ရောဂါ၊ အန် ဟဲ့ လုဝ် ဆာရာဝူန်။

ဇဝ် ယေဆူ ဘော ဟာဝ် ခဲင် မိူင် ခဲင် ရဝ် ဒွန် နာ ဒွန် ပ့လုဝ့်၊ ဝီ မာနုဝ် ဂေ ဒူအီ အာယူဒါ ခဲင် ဇူင် ပီ ကြိုပ် ဂေ ဇဝ်ဖြာ ဘော ကာလာင် လွင် အာခြာဝ် ဒီ အိုပ် ဇဝ်ဖြာ ကာဒါယ်၊ တဲး န့ ဘဲန် နဝ်း ဒါခိုယ် ဒီ ဒူအီ။ အန် ဘော ပီကဲန် ဂေ ဒူအီ ဆဝ်၊ တဲး ဆဝ် ဂေ ဟြာယ်။