Populære bibelvers fra 2 TIMOTIY-AK 2

Del

Apawa tan yarakara God diki mwiya mwiyaba maaj duw takwak titaay, akaliv. Aw atawa kwurkimina, aw min wap say maa min minakil kapa yawiyik Godak. Aw God di ata yaakiya wakinaad aal kwurmina yawiyik.

Timoti, min bwan akwiy adiy badiy duw taakw dayadiy vaal yikir warkwadanadiy mawulak. Bwan kwiykuw dayak, adiy day dayaam God sugwiyaan kwurdikik mwiyir tidakikik bas sikwanadiy duw takwawa nakamwiyib ada. Aw day atawa kwurkidana, yarakara kwakuw, Godak wukijibir tikuw, nuwukadiy duw takwawa awarwa awarwa mawul yitaay, ata kwusida-takaan tikwana mawulawa kwakidiy adiy nuwukadiy duw takwawa.

Adi nyanadi Yitaypika Duw Jisas Kraisak yawiy kwurkwanadi duw, di adi maaj awarwa awarwa warjuwtaay, wariya-kwanadi duw tidiba. Aw di nuwukadiy duw takwak rikarik kwurkwaad. Kwurkuw, adiy nuwukadiy duw takwak viyakita mawulawa viyakit kaliva-kwaad.

Aw li nyan dikim viyamay napik ab, di aal wadil jaav mwiya mwiyab kwurkida. Di samab mawul akis warapiykwanaad. Aw di nyanyi mwiyir mwiyirda tikwanaad.”

Yitaypika Duw dikidi yawiy duw kip kwusida-takaan tikuw, di duw takwaam walakwu-kwaad, adiy animal mabiraam taykitin rikwadana pik Satan adiy duw taakw diki tabaam kwur-didiy way diki mawul walidiy yawiy kwur-kwurik. Aw God dayaam sugwiyaan kwur-kidadiy way day dayadiy bwan dayadiy valik kwiykuw, aal mwiyir tikwana maaj liki maaw maaj lakwu-dakik. Atawa tikidana, dayadiy mawul tugwaam nadaak, day Satanaam wapa-wapak rivikidiy. Atawa tidaak, gwur Yitaypika Duw dikidiy yawiy duw yarakara aw atampika duw takwak.

Yarakara gwutakaan ada aal adiy Jisas Krais diki kwukib ti maarkwanadiy duw taakw dayadiy kipa kipa kupwaraap sapwurapa majik. Atampika maaj adiy duw taakw mawulaam jawjaay kwurtaay, day God kwasik yidadiy sukw kwurkidiy.