Populære bibelvers fra KEJADIN 15

Del

Tek Abram man TUHAN, janah erkiteken kinitekenna e ialoken TUHAN ia selaku kalak benar.

Kenca kejadin si ndai kerina, i bas sada pengenehenen, reh kata TUHAN man Abram nina, “Ola kam mbiar Abram. Aku ngampang-ampangi kam, janah mbelin kal upahndu Kubereken.”

Ibabai TUHAN Abram ndarat janah nina, “Tarelah ku langit, cubaken beligai bintang-bintang ah; bagi buena bintang-bintang e, bage me pagi teremna sinursurndu.”

Jenari reh ka kata TUHAN man bana nina, “Labo Elieser si ngalo tading-tadingenndu, tapi anak ipupusndu sendiri nge.”

Nina TUHAN man Abram, “Sinursurndu jadi perlajang denggo i negeri kalak; jadi budak pagi ia i je, janah mesui kal atena ibahan kalak 400 tahun dekahna.

Tapi erjabap Abram nina, “TUHAN si Mada Kuasa, kai gunana upah si iberekenNdu ateNdu man bangku e, adi labo lit anakku? Si Elieser kalak Damaskus e ngenca si ngalo tading-tadingenku!

I bas ingan e me TUHAN erbahan perpadanen ras Abram nina, “Erpadan Aku mereken taneh enda kerina man sinursurndu mulai i bas perbalengen Mesir nari seh ku Lau Eprat

Kenca empat kesusuren pagi maka sinursurndu mulih ku jenda, sabap langa pagi kupelawes kalak Amori adi langa kin seh jahatna janah patut iukum.”