Populære bibelvers fra KELUAREN 9

Del

Tapi guna encidahken kuasangKu man bandu, Kupelepas kam nggeluh, gelah gelarKu ipuji i belang-belang doni enda.

Nina TUHAN man Musa, “To dahi raja, kataken man bana maka TUHAN, Dibata bangsa Heber enggo ngataken, ‘Berelah bangsangKu lawes, gelah banci isembahna Aku.

Bicara mbarenda nari Kuawatken tanKu mekpek kam ras rayatndu alu penakit, tentu ndekah me kam min ndai mate.

Kuukum kam alu mereken penakit bernung man kerina asuh-asuhenndu, kudandu, keledendu, untandu, lembundu, biri-birindu ras kambingndu. Tapi lit Kubahan lainna man asuh-asuhen bangsa Israel ras man asuh-asuhen bangsa Mesir, janah la lit sada pe asuh-asuhen bangsa Israel mate.

I bas paksa si genduari e ka pagi, Kudabuhken udan baho si mesangat si la enggo pernah jadi bage i bas sejarah Mesir. Dagina perentahkenlah maka asuh-asuhenndu ras kerina jelma ras asuh-asuhen i mbalmbal, si la lit inganna cio la banci lang idabuhi udan baho seh mate.’ ”

Abu simelumat e minter merap ku belang-belang negeri Mesir, janah i japa pe ipeturahna bareh, subuk i bas jelma, bage pe i bas asuh-asuhen, jenari pultak jadi ugah.” E maka ibuat Musa ras Harun abu e, kenca bage tedis ia i lebe-lebe raja. Icaburken Musa abu ndai ku das, janah minter turah ibahanna bareh i bas jelma ras asuh-asuhen, jenari pultak jadi ugah.