Populære bibelvers fra KELUAREN 10

Del

Kenca bage ikataken TUHAN man Musa nina, “Dahilah raja. Enggo Kupemersik ukur raja ras pegawai-pegawaina, gelah banci Kucidahken kerina tanda kuasa enda i lebe-lebena, gelah arah e banci iturikenndu man anakndu ras kempu-kempundu kuga serana akap kalak Mesir enggo Kupermain-mainken alu tanda-tanda kuasa e. Alu bage kerina kam metehsa maka Aku kap TUHAN.”

Kenca bage nina TUHAN man Musa, “Pepinterlah tanndu kempak langit maka gelap si mesangat nutupi kerina negeri Mesir.” Ipepinter Musa tanna kempak langit, e maka gelap me kerina taneh Mesir telu wari dekahna. Kalak Mesir lanai siidahen sapih-sapih ia, e maka paksa e sekalak pe la lit si ndarat i bas rumahna nari. Tapi i ja kalak Israel ringan, i je lit terang.

Iangkat Musa cikenna e maka ibahan TUHAN angin rembus i Timur nari babo negeri e sada wari sada berngi dekahna. Nandangi erpagi-pagi ibaba angin e labang ndai. Erduyun-duyun ia reh, janah icinepina kerina negeri e. Ope denga si e la enggo pernah iidah kalak bage buena labang, janah ndigan pe la pernah nari bage.