Populære bibelvers fra KELUAREN 32

Del

Sanga iidah bangsa Israel maka Musa lalap la nusur i das Deleng Sinai nari, tapi ndekah ia tading i je, iulung-ulungna Harun janah nina, “La sieteh ntah kai enggo jadi man Musa, kalak si minpin kita ndarat i Mesir nari; e maka bahanlah sada dibata si man sembahen, guna minpin kita.”

Nina TUHAN man Musa, “Pedas kam mulih ku teruh, sabap bangsandu si enggo ibabandu ndarat i Mesir nari enggo erdosa janah nulak Aku. Itadingkenna dalan si enggo Kupedahken gelah ikutkenna; ibahanna sada lembu emas tuangen janah enggo isembahna ras ibahanna persembahenna ku je. Ikatakenna e si mabai ia ndarat i Mesir nari.

Kenca idah Harun si e ipajekkenna sada batar-batar i lebe-lebe lembu emas ndai, jenari imomokenna nina, “Pagi ibahan sada pesta guna kemulian TUHAN.” Pepagina lampas, ibaba kalak ndai asuh-asuhen man tutungen jadi persembahen, ras si debanna si man pangan jadi persembahen persadan. Kundul ia kerina man ras minem-minem; dungna enggo sambar jadi sada pesta mabuk-mabuk, janah perlagu langkah dilaki ras diberu lanai erpepah.

Pepagina nina Musa man bangsa Israel, “Enggo kam erbahan dosa si mbelin. Tapi genduari lawes ka aku mulihken ku das deleng ndahi TUHAN; mbera-mbera banci dat aku pengalemi dosa man bandu.”