Populære bibelvers fra KELUAREN 31

Del

“Enggo Kupilih Besalel, anak Uri kempu Hur, i bas suku Juda nari, janah enggo Kudemi ia alu kesahKu. Enggo Kubereken man bana pengertin, kebeluhen ras kengasupen erbahan barang-barang si mejile: ngerencanaken ras erbahan potongen si mejile i bas emas pirak ras tembaga nari; nggarut permata ras namakenca i bas bingkena; erbahan ukir-ukiren kayu ras erbage-bage dahin erbahan barang-barang si deban si mejile.

Isuruh TUHAN gelah ikataken Musa man bangsa Israel, nina, “Inget wari Sabat, wari si enggo Kutetapken jadi wari pengadi-ngadin, sabap e me sada tanda si encidahken i bas kerina paksa-paksa si reh maka Aku, TUHANndu, enggo erbahan kam jadi bangsangKu.

Wari Sabat, e me sada peringet-ingeten si tetap i bas bangsa Israel ras Aku, sabap Aku, TUHAN enggo erbahan langit ras doni i bas enem wari, janah i bas wari si pepituken ngadi Aku erdahin guna pekesahken.”