Populære bibelvers fra รม 5

Del

เฌาพรา ยี บยัะ แคะ ร็อก อัน ดี เอ. ดอ ซี โบง เอ หมาบ, อัน แตห เฌา เยซู คัม ดี ยัม กาดาง เอ.

ปี หน็อะ อึณด็อะ เอ ตี, อึณ ดืน ตู แตห เอ กาลูต น็อห. น็อห พึอม เฌาพรา ปี ดัว เฌาพรา ดี เอ, อัน แฮะ แตห เอ นับ ลอง เฌาพรา แฮะ ร็อก กาเซา เอ.

แดง ตี, เอ มืร โคย ดาคึย โกบ ฌัม เอ ดูก บอ กาดูห อาเพ อาเร. โคว, เอ แฮะ นับ, ดูก ตี, อึณ ดี มาโนว เอ แตห เอ แป ดี โอด, แป ดี ยืน น็อห เอ. เซ เอ คัม ดี โอด ดี ยืน น็อห, อึณ แตห เอ ปึอน ดี โบง อี ล็อะ น็อห เฌาพรา. เซ เอ โบง อี ล็อะ น็อห เฌาพรา, อึณ แตห เอ บอ หน็อะ อึณด็อะ ปี กาแซณ เฌาพรา ดี โบง.

เฌาพรา แฮะ ดัว น็อห ซืร น็อห หมาน ดี เอ โกบ หณึม เอ เฌา เยซู. โคว, เอ วี ปึอน ดี ลาย กาล็อะ ดี เฌาพรา. โกบ หณึม เอ เฌา เยซู, เอ มืร ปึอน ดี บึง เซเซ ปี เฆฌู เฌาพรา แปะ แฮะ ดัว อัน ดี เอ ดอ ตี นี. เอ มืร โคย ดาคึย ดี หน็อะ เฌาพรา ดี ดัว บอ อาพูง ดังโคว อัน ดี เอ.

โคว, ดอ ซี ดีหลัห อึณจัม เอ, เฌา เยซู มืร แฮะ คัม ดี ยัม กาดาง หมาบ เอ ดูอี มืก. อัน แฮะ คัม ดี ยัม ดอ ฌัม อาคราว ปี เบลห อูน เฌาพรา ดี อาต.

โกบ แฮะ คัม เฌา เยซู ดี ยัม กาดาง เอ, อึณ แตห เอ วี แบน ดูอี อี มึห น็อห ซืร น็อห หมาน. แดง ตี, อัน ดี คยอด เอ แตห เอ ลอด บอ น็อห รู เฌาพรา.

อึณ บอ ปาย ตี. โกบ ตู โทม ดูอี อู วี โฆรห เฌาพรา, อึณ แตห ดูอี บอกาเฆลียด กาลึบ. โกบ แฮะ วี โทม ดูอี อู วี โฆรห เฌาพรา, อึณ ปี วี แตห ดูอี บอกาเฆลียด ปึอน น็อห ซืร น็อห หมาน.

อาว วัน มี แคะ ตี. ดอ ตี นี เอ แฮะ วี โบยว ดาคึย ดี กอย รึม โดบ เฌาพรา โกบ เฌา เยซู อี แฮะ แบน ดา กาณา อี อึบ เอ, อัน มืร แฮะ โบง แตห เอ วี ลาย กาล็อะ ดี เฌาพรา.