Populære bibelvers fra รม 4

Del

อัน ปี บอ แฮะ นับ ลอง อัน ตี, อัน ยี หณึม เซเซ. อัน ตู มึห น็อห อี ทาง, กาดีก ซัดฌา เฌาพรา อึณ ตู หมาน. แคง น็อห อัน, อัน บอ แว หณึม ซีคยา บอ อืบ เฌาพรา. อัน หณึม อาคาคัร, เฌาพรา นับ ดี โบง โดบ ปี กาแซณ อัน.

เฌาพรา แฮะ แดม อูน แคง บับ อัน ต็อห, “โอว แฮะ แตห แม แบน ฆูณ ดัง อาโมยว ดูอี กืน.” ปาย ตี, เฌาพรา แฮะ แตห ดา อาบราฮัม แบน ฆูณ ดัง เอ โกบ หณึม บึง อัน ดี เฌาพรา อี นับ ดี แตห ดูอี ยัม วี ยีต วี อีม. อัน เฌา บอ นับ ดี กาลาง ลอง อี หณัม มึห, แตห อึณ ปี แฮะ ฮอต มึห.

เฌา เยซู ตี, อัน แฮะ คัม ดี ยัม กาดาง หมาบ เอ. อัน แฮะ วี ยีต วี อีม, แตห อัน โบง แตห บอ เอ มึห น็อห ซืร น็อห หมาน.

อัน บอ หณึม โฆรห เฌาพรา ดอ ตู มึห อัน โดง น็อห ตาง ดี มาเซ. โคว, เฌาพรา บอ แตห อัน แบน ฆูณ ดัง เฆ อาโมยว ดูอี กืน, แตห อึณ ปี ปี ดึอม กาลาง เฌาพรา ดอ ต็อห อัน, “หลูกหลาน แม, เฆ ดี กืน กาเซา.”

โคว, กาดีก ซัดฌา ตี, เฌาพรา แฮะ ดัว โกบ หณึม เอ. อึณ บอ มูห ปี เฆฌู อัน เฌา ดี เอ, แตห เอ นับ ซีคยา, เฆ หลูกหลาน ครึร ดา อาบราฮัม บอกาเฆลียด ดี ปึอน ปี เฆฌู เฌาพรา ตี. เอ มืร ตู โลว โตต มาเซ. เฌาพรา ตู ดัว กาดีก ซัดฌา ตี มี ดี เฆ อี โบง โดบ ดารา. อัน ดัว บอ ดี เฆ อี หณึม เฌาพรา ปี ดา อาบราฮัม อี แฮะ หณึม ตึอน. อัน แฮะ แบน ฆูณ ดัง เอ ดอน อี อี หณึม ปาย ตี.

“เซ เฌาพรา แฮะ ฆ็อห แวน หมาบ ดูอี อู วี, อัน ดี มึห น็อห ดาคึย โกบ แฮะ ฮอต หราย หมาบ อัน ตี. เซ เฌาพรา ต็อห ลอง ดูอี อู วี, อัน ตู มึห หมาบ, อัน ดี โบยว ดาคึย.”

แคง บับ เฌาพรา อึณ แฮะ แดม อูน ต็อห, “ดา อาบราฮัม หณึม บึง เฌาพรา. โกบ หณึม อัน ปาย ตี, เฌาพรา มืร ต็อห, อัน แฮะ มึห น็อห ลูย.”