Populære bibelvers fra รม 12

Del

แกวะ ฮู แตห เบ โบง ปี เฆ ดูอี อี ตู หณึม เฌาพรา. แตห เบ คัม ดี บยอง ปี เฌณฌา เบ, แตห อึณ แบน อี กามาย. เซ เบ โบง ปาย ตี, เบ ดี นับ ปี อึง เฌาพรา, นับ บอ อี บอด อี หมึอม อี ล็อะ น็อห เฌาพรา อี กยัะ กาเซา.

อึย เบ บีนอง, ปี เฆฌู เฌาพรา ดี เอ, อึณ แฮะ กืน กาเซา. โคว, โอว ซี หมาณ, แตห เบ อาบ โดว เบ ดี เฌาพรา, แตห อึณ ปี ปี หลู อี มึห อาซาก, อี ซีงา บอด อี ล็อะ น็อห เฌาพรา. แฮะ กาอาบ เบ โบง ปาย ตี.

แตห น็อห เบ บอ โบยว ดาคึย โกบ ปี หน็อะ อึณด็อะ เบ. เซ เบ โลว คัม อี ดูก อี หณาบ, แตห เบ คัม ดี ยืน เหลณ. แตห เบ บอ ซาคึร เซเซ.

แกวะ แตห นา ฮาย นา มืก แป เบ, แตห นา บอด นา หมึอม แป นา ฮาย นา มืก.

แตห เบ ลาย ร็อก ปี อู กัด อู วา. แตห เบ โรวเซ อี เฮา หลึอม โดว บรีม เบ.

แตห เบ มึห น็อห ซืร น็อห หมาน ดี ร็อก ดูอี. แตห เบ บอ กาอีห อี ฮาย อี มืก บอ โบง นา บอด นา หมึอม เซเซ.

แคะ ปี ปึอน เบ โบง, แตห เบ บอ โฆยวฆยา ดี ลาย กาล็อะ ดี ดูอี ดอน อี.

อึย เบ ฆึก โอว, แกวะ แตห เบ โบง เวียะ ดี อี. แตห เบ แตห เฌา เยซู รู ดี เฆ. โคว, อึณ แฮะ แดม อูน แคง บับ เฌาพรา ต็อห, “อึณ มูห โอว, อี ดี โบง เวียะ ดี อี. อึณ มูห โอว, อี ดี ดัม หมาบ ดี เฆ.”

แตห เบ ออน ดี โบง ฆาน เฌาพรา. แกวะ แตห เบ กราน. แตห บอ น็อห บอ พึอม เบ โบง ฆาน เฌาพรา เซเซ.

โกบ ปี เฆฌู เฌาพรา ดี โอว, โอว วี กาลาง ดี เบ ดอน อี, แกวะ แตห เบ อาทาง ตาง โดว บรีม เบ หลึอม แคะ ปี กาอาบ ทาง. แตห เบ วี เฌณฌา ซีคยา, แตห ปี ทาง เบ กาดาน ดี น็อห หณึม แปะ แฮะ ดัว เฌาพรา ดี เบ ราง อาเซ ราง อัน.

เซ อี เฮา โบง นา ฮาย นา มืก ดี เบ, แกวะ วี โบง เวียะ นา ฮาย นา มืก ดี เฆ. แคะ ปี โบง เบ ดอน โมยว, แกวะ แตห อี เฮา มึห ดี กาลาง, อึณ ตู หมึอม.

แตห เบ ลาย โพรม รึม แบน อู น็อห. แกวะ แตห เบ ปีคึก น็อห เบ. แตห เบ คัม ดี โบง ฆาน อี โจห เตียม. แกวะ แตห เบ ทาง เบ แฮะ มึห อางยาน หลึอม อี.

อาว วัน มี แคะ ตู โบง เวียะ ดี อี ตี. เบ โลว โบง โดบ ปี แดม อูน แคง บับ เฌาพรา ต็อห, “เซ รันซู แม กาปราณ โบม, แตห แม เฮียง อัน โฮม. เซ อัน ซี เดียง อึม, แตห แม ดัว อัน เดียง. เซ แม โบง ปาย ตี, โยว อัน ดี บอ วี ซาย แม, วี โหลห หมาบ อัน, วี ซี แบน ฆึก แม.”

แตห เบ ซาคึร ดาง เฆ อี โบง นา จีจีว ดี เบ. แกวะ ดืง เฆ, ม็องการา ดัว ดี เฆ. แตห เบ โคย ดาคึย โดบ เฆ อี โคย ดาคึย. แตห เบ บอ ยาม โดบ เฆ อี แฮะ ยาม.

เซ ดูอี อี หณึม เฌา เยซู บอ เอต ตู มึห แคะ ปี โลว เฆ, แตห เบ กาซาง ดัว ดี เฆ. แตห เบ บอ ดาคึย ดี ยอด ลึมลา แคต.

อึณ ปี โดว โบ็ง เอ นี. แคง โดว โบ็ง เอ, อึณ บอ แฮะ มึห แบน โมยว แบน โมยว. ดอน โมยว บอ มึห อาฆยึร ราง อาเซ ราง อัน. อึณ บอ ปาย ตี, เอ ปี บอ แฮะ มึห แบน วี แบน วี มืร, โกบ หณึม เอ เฌา เยซู เอ แฮะ ปี โดว โบ็ง อู โบ็ง. อึณ บอ ลาย บาะ ดอน อี แคง โดว โบ็ง ตี.