Populære bibelvers fra 2 คร 3

Del

โคว, เฌาพรา บอ มูห น็อห พึอม. โดง ดี มึห น็อห พึอม เฌาพรา ตี, อึณ บอ ดาคึย ทังฮาง ฆัด เยน ฆยามซา.

อึณ ยี มูห เอ ดอน อี, เอ อาว มึห บีก อี กาโหมะ นา เอ. เอ แฮะ ปึอน ยึร อาพูง ดังโคว เฌาพรา บอ วี บยัะ ดี อี เฮา. เฌาพรา อี มูห น็อห พึอม, อัน แฮะ แตห เอ แกร ดี กาปลูะ กาบูต อารึบ เอ, แตห เอ แกร ดี ปี อัน เฌา, แตห อาพูง ซาเร แกร ดี กืน.

มาแล, เซ ดูอี อู วี วี กาปลูะ น็อห, วี บึง เฌา เยซู, อึณ ปี บีก ตี แฮะ อึณวึห. น็อห ดืร ตี ดี หราย อู เฌณ.

อาว มูห เย แฮะ กยัะ บอ ดึห อางยาน ปี นับ เย, โบง ฆาน ฌึร ตี. เย บึง อางยาน เฌาพรา, แตห เย ปึอน ดี โบง. อัน เฌา อี แตห เย โบง ซีคยา ฆาน อัน, อัน แตห เย แบน ดา ซารา อี มาโนว ลอง กาดีก ซัดฌา กามาย ปี ดัว เฌาพรา ดี อี. กาดีก ซัดฌา กามาย ตี ตู โดบ ดารา ปี ดัว เฌาพรา อาต นี. อึณ โดบ น็อห พึอม เฌาพรา. โคว, ดารา ปี ดัว เฌาพรา ตี, อึณ ดัม หมาบ ดี อี, แตห อี ยัม. น็อห พึอม เฌาพรา, อัน ยี แตห อี อีม.