Populære bibelvers fra MARKU 6

Del

Iye yamba kuli ayo ngwenyi, Tweyenu ukawenu ku puya, nukahwime hakepe, mumu anji apwile nikwizaza nikuyaya, ni kashimbu kapwile nako chipwe ha kulia.

Alioze Yesu wambile kuli ayo ngwenyi, Profeta keshi kuhona ulemu shina mu chijima chenyi mwene, ni hakachi ka usoko wenyi, ni mu zuwo lienyi mwene.

Iye watuhukile, wamwene mbunga yinene, iye waavwilile keke, mumu apwile ngwe mapanga waze keshi kafunga: iye waputukile kwalongesa yuma yinji.

Iye kahashile kulingaho chipupu nichimwe, shina wasayikile moko jenyi hali mieji akehe akaawuke. Wakomokene mumu te kafulieleleko. Iye wapwile nikujingajinga ku yihunda nikulongesa.

Iye wanjile mbolo jitano ni yishi aali, nikuhetula meso jenyi kwilu, wawahishile, wapalwile mbolo, wajihanyine kuli tumbaji twenyi, hanga ajitumbike kumeso jo; ni yishi aali wanyine hakachi ka eswe. O eswe alile, nikukuta. Mba anjile yipalupalu, kumi lia yipakili ni yipakili yiali ya tò, ni ya yishi nawa.