Populære bibelvers fra Rom 1

Del

Rot nzuk n pfong nsum n tyyei Ka̱sham Ba̱ryat ka ba. Mba a̱ yet cet Ka̱za na wwat ba̱nyet ba a̱ ka̱ ryi ndya mba na ni sucet, ka̱tsitsrang ka ba̱nyet Yahuda i si wwon kpikpit nwap a.

Rot Ka̱sham Ba̱ryat ka a̱mi a̱ tyyang ka̱sak ka Ka̱za kan brak di ba̱nyet a̱ ya tyyi mi ni. Ku shyi i tyyi rya a̱mi, nyyai a̱ta̱tyin si tat a̱jyun. Da̱ni di ba̱ryat Ka̱za ban hywa ni, “A̱yin nu a̱ byyi ntyyi rya ni, nu a̱ ni myim Ka̱za.”

Nyyai ka̱ram ka Ka̱za ka n yya ka̱sa ka ni, ka̱yat nkyang ka ka yya ni, ba tyyei nhali nka na ka maai yet Ka̱za a̱ bo tyyei cet wityak nka na ba̱zizrak. Rot a̱mi ba bo byyi ka̱bvwa sak tak ba.

Rot ba bvwo Ka̱za, ma di ba ka̱ ryi shii di Ka̱za ni ba, di ba ka̱ dyep ba. A̱huhwa mba nu a̱ tyyi ba̱tai, mpfwa mba na i cat bvwo.

Ba brak a̱ wwon ka̱ryong Ka̱za ka a̱ tssup dira; a̱ wwon yya Ka̱za dikwwa bu ka̱ kok ntong a̱ wa kok nkyang a Ka̱za ka yya ni ntong, a̱ wa wwon a̱tuba nu a̱ krok nkyang iya ni, a̱tuba nu a̱ maai a̱ san a̱didyep wityak i! Amin.

Ba tyyei diryen Ka̱za nyyai Tazwa sa̱rei a̱zi ba̱nyet ba a̱ rak tssup Ka̱za a̱ si shyi bu i na̱kpot i. Mba a̱ bap ka̱ryong Ka̱za ka di na̱kpot mba na.

Rot nkyang a ba̱nyet ba yya ni Ka̱za a̱ ba̱ kaai a̱ wwon ba tssup a̱shishik nkyang mba nu. Har ba̱nyring a̱ wwon swat nyreng a̱ nwa ya tssup mba-mba. A̱mi meyang ba̱ntyok ba a̱ kaai ba̱nyring ba a̱ wwon a̱ ya tssup a̱ cat ba̱yaan ba̱t, a̱ yya a̱shishik nkyang bu ba̱yaan. Rot a̱mi ba san zang ji maai a̱ka̱tuk nkyang u ba yya ni. Da̱ni di ban dak bvwo Ka̱za ni, Ka̱za a̱ ma̱n ba̱ wwon ba swat ka̱yat a̱ka̱tuk hali mba; rot a̱mi ba yya nkyang a myyim ba yya ni ba.

Ba shyi i ya cin da̱ mba a̱ yet ba̱nyet a̱za̱ncyi a̱ si wa si tyyi ba̱bvwon. Ba si wa brak dyep Ka̱za ka a̱ wi kwi ni a̱ tyyi a nkyang a ba̱nyet ba yya ni, nna ni tai ba̱neywu ba a̱ kwi ni, bu na̱non bu nyam bu nkyang kwang ka̱hwa ka̱byen.