Populære bibelvers fra Romanos 2

Del

A tu kai dosare averen ta chere isto so von cheren, na mislisao kai ka nase katar e Devleki kris. A tu ni thodan sama kai o Del si gia lacho ta but terpil o bilachipe kai cheren, ta kai leko volipe si gia baro kai isto gua volipe inllarel tut lete te ave keime.

Goleke tu kai dosare avere ni chitilpe ko avea tu. Kana dosare avere isto tu tut dosare, soke tu chere isto so von cheren.

Soke angla o Del inai ni iek mai lacho averetar.

Soke angla o Del inai lache gola kai samo asunen o zakono, gola kai kanden so phenel o zakono o Del ka llinel len chache.

Ondaka o Del ka pochinel suakone lleneke prema e ezgode kai cherde.

ta ka dukhavel jolinaia golen kai roden e chingar, ta kai ni kamen te cheren o lachipe.

A tu, sar san besno ta ni kamlan te iri tu kai o Del, bariare e duk isto pe tute kana ka avel e kris e chachi e Devleki.