Populære bibelvers fra Apokalipsis 6

Del

Ta dikhlem iek gra galbeno, ta gua kai llala pe lete ikhardola Meripe. Ta pala le llala o baro meripe, ta avila leke dino te gazdaril pe iek katar e star riga e suetoke te mundarel e jarniea, e bokhaia, e nasualimaia kai mundarel, ta e zivirinienchar, kai si dive pe phuv.

Ondaka dikhlem iek gra parno ta gua kai llala pe lete inllarela ande po va iek arko, ta avila leke dini iek korona, soke dobisarda ta likisto te dobil ios.

Kana o Bakro putarda o panchto sello, dikhlem telal katar o altar e duura katar e llene kai mundarde len pala e alava e Devleke, ta pala e ezgode kai cherena.

Ta phenena bare avazea: Gazda santo ta chachuno, ¿kana ka chine e kris golenge kai zivin ando sueto te pochinen amaro meripe? Ondaka avile lenge dine patave parrne, ta phendilo lenge te aduricharen cherricha ios vreme, te getonpe e llene ta e phlal kai saia te mundaren len sargo len.

Ta likisto aver gra kai saia lolo, ta gua kai llala pe lete avila le dini e zor te lel katar o sueto e pas, ta te cherel e llenen te mundaren iek avere, ta avila leke dino iek baro jarni.

Soke avilo o baro llive katar leki joli; ¿ko ka achel pe porrne ande gua llive?

Dikhlem kana o Bakro putarda o souto sello, ta e phuv dermosaili but zurale. O kham kalilo sargo angar, ta o chon lolilo sargo o rat. E cheraia peletar e milosotar pe phuv, sargo kana o kas e simochinengo peravel e simochine kana miskol le iek bari balav.

Kana o Bakro putarda o trito sello, asundem kai o trito zivoto phenela: ¡Aide ta dik! Ta dikhlem iek gra kalo, ta gua kai llala pe lete saia ande leko va iek balansa. Ta maskar e efta zivotura asundem iek avazi kai phenela: Iek kila lliu pe iek denario, a trin kile sebada pe iek denario, a na murisar ni o zeitino ni e mol.

A o miloso ni dikhilo ios, sargo kana ulilpe iek lil, ta sa e burdura ta sa e isle miskosaile katar po than. Ta e charura e suetoke, e bare, e barvale e bare sudura, e zurale ta sa e esluge ta gola kai ni sea esluge, gurudile ande burdura ta maskar e pechine e burdonenge