Populære bibelvers fra Kolosenses 3

Del

Terpin iek avereke ta prostin iek avere, a te si vareko dukhado averetar prostisaren tumen. Gia sar o Kristo prostisarda tumen i tumen si te prostin.

Mislin tumen ande ezgode kai si ando miloso, a na ande ezgode e phuviake.

Ta sa so ka cheren, cheren le e lietar sargo kana radin e Devleke a na e manusenge.

O Del volil tumen ta esvirisarda tumen te aven katar o foro santo. Morabi te avel tumen volipe pala aver llene. Morabi te aven lache, proste, postene ta te terpin.

Ta te na bristaren tumen katar e alava e Kristoke ta sikaven iek avere bizaimaia. Den fala ta llilaben e Devleke e salmura ta llilia duoke. Ta sa so ka cheren o so ka phenen cheren le ando anav e Gazdako o Jesus, ta den fala e Devle kai si o Dad pala so cherda o Kristo pala tumende.

A furiadon mai but e volimaia, soke o volipe si kai ka cherel tumen te aven saurre ande iek than.

Goleke soke tumen te ustilen katar o meripe e Kristoia, morabi te roden e ezgode kai si upre kote kai o Kristo besel pe rig e chachi e Devleki.

Ta e pas e Kristoki te charoil ande tumare lie, soke goleke ikharda tumen o Del te sai aven katar iek esnaga ta te aven llene kai llanen te den e fala.

Goleke cheren te meren sa gala ezgode e phuviake kai si ande tumende: Niko te na cherel o kurvaluko ta ni e ezgode pogane. Achaven tumare bilache mislura ta na muken te inllarel tumen tumari llia e lovengi, soke gaia ezgoda si sargo te llan pala aver dela.

Soke tumen mulen ta o Del lacharda tumenge te zivin e Kristoia.

A akana muken sa gala ezgode: E joli, o bilachipe, e brasnia maskar tumende ta e bilache alava.

Na kojaven iek avere, soke tumen chudien tumendar so sena omanglal ta so cherena, ta akana si tumen iek nevo zivoto ta sen iek nevo manus kai sa mai lachardol prema o Del kai cherda le, te sai pinllaren le mai but.

A tumen rromalen morabi te volin tumare rromien, ta na joliaon lenchar.

Chavalen, kanden tumare daden pe suako ezgoda, soke gua si drago e Gazdake.

Tumen rromialen morabi te den liubao tumare rromen, gava si so morabi te cheren sar trubulpe e diskiniendar, soke tumen pachan ando Gazda.