Populære bibelvers fra मती 18

Del

कथिलेत जते दुइ या तिन गोरा हमर नाममे एक ठाम जर हेतै, तते हम तोरासबके बिचमे हेबौ।”

हम फेनो तोरासबके कहैचियौ, यदि अइ पिरथिबीमे तोरासबमेसे दुइगोरे एकसाथ एकेमन भ्‍याके कोनो चिज माङबिही त, उ स्‍वरगमे रहैबला हमर पिता तोरासबके देतौ

तब येसु एकटा छोट बच्‍चाके लगमे बोलाइल्‍कै आ उसबके बिचमे खरा कैरके कहल्‍कै, “साँचोके हम तोरासबके कहैचियौ, जाबेतक तुसब मन बदैलके यि बच्‍चासबके मन जखा नै हेतौ ताबेतक स्‍वरगके राजमे कहियो नै ढुके सकबिही।

जे कोइ यि छोट बच्‍चा जखा नरम स्‍वभाबके आपनेके बनाइतै, से लोक स्‍वरगके राजमे सबसे पैध हेतै।

जे कोइ यि छोट बच्‍चाके हमर नाममे सुइकार करतै, उ हमरा सुइकार करतै।

“साँचोके हम तोरासबके कहैचियौ, अइ पिरथिबीमे तुसब जे बान्‍हबिही, से स्‍वरगमे बान्‍हलजेतौ आ अइ पिरथिबीमे जे खोलबिही, से स्‍वरगमे खोललजेतौ।

तकरबाद येसु आपन चेलासबके कहल्‍कै, “तुसब आपन भाइ-बहिनके हिरदयसे छमा नै करबही त, स्‍वरगमे रहैबला हमर पिता तोरोसबसङे ओहिनङे करतौ।”

“यदि कोइ हमरमे बिस्‍बास करैबला छोटसे छोट बच्‍चाके पाप करैले लगाबैछै त, ओकर घेंचमे बरका जाँत बाइन्‍हके समुन्‍दरमे फेक देनाइ उचित हेतै।

“तुसब कथी बिचार करैचिही? यदि कोनो लोकके एकसय भेंरा छै आ ओइमेसे एकटा हेरेतै त, कि उ निनानब्‍बेटाके छोइरके उ हरेल्‍हा भेंराके खोजैले नै जेतै?