Populære bibelvers fra Datguddiad 3

Del

Edrych! Dw i yma! Dw i’n sefyll wrth y drws ac yn curo. Os bydd rhywun yn fy nghlywed i’n galw ac yn dod i agor y drws, dof i mewn i rannu pryd o fwyd gyda nhw.

Dw i’n gwybod am bopeth rwyt ti’n ei wneud. Ti ddim yn oer nac yn boeth! Byddwn i’n hoffi i ti fod y naill neu’r llall! Ond gan dy fod yn llugoer, bydda i’n dy chwydu di allan.

Dw i’n ceryddu a disgyblu pawb dw i’n eu caru. Felly bwrw iddi o ddifri, a thro dy gefn ar bechod.

Dw i’n gwybod am bopeth rwyt ti’n ei wneud. Edrych, dw i wedi agor drws i ti – drws fydd neb yn gallu ei gau. Dw i’n gwybod mai ychydig nerth sydd gen ti, ond rwyt ti wedi gwneud beth dw i’n ddweud a heb wadu dy fod ti’n credu ynof fi.

Bydd pawb sy’n ennill y frwydr yn cael hawl i deyrnasu gyda mi ar fy ngorsedd, yn union fel wnes i ennill y frwydr, a theyrnasu gyda fy Nhad ar ei orsedd e.

Rwyt ti’n dweud, “Dw i’n gyfoethog; dw i wedi ennill cymaint o gyfoeth does gen i angen dim byd.” Ti ddim yn gweld mor druenus rwyt ti go iawn. Druan ohonot ti! Rwyt ti’n dlawd yn ddall ac yn noeth!

Am dy fod di wedi bod yn ufudd i’r gorchymyn i ddal ati, bydda i’n dy amddiffyn di rhag yr amser caled fydd y byd i gyd yn mynd drwyddo, pan fydd y rhai sy’n perthyn i’r ddaear ar brawf.

Edrych! Dw i’n dod yn fuan. Dal dy afael yn beth sydd gen ti, fel bod neb yn dwyn dy goron di.

Deffra! Cryfha beth sy’n dal ar ôl cyn i hwnnw farw hefyd. Dydy beth rwyt ti’n ei wneud ddim yn dderbyniol gan Dduw.