Populære bibelvers fra मत्ती 16

Del

होटै न्‍हुइङ येशूये लहो चेलाकोलाक डेया, “इडीक सुर ङाकी डुट्‍च मीमन जाट्‍ले डेनाङ, होचे लाहाकी इन्‍कार जाट्‍ख्‍यो र लहो क्रूस सोटार ङाकी डुट्‍ख्‍यो।

अब ङा नाकोकी डेले, नाको पत्रुस हो (इच्‍यौ अर्थ ‘पत्‍थर’ हो।) इसे पत्‍थर मीटाक ङा ङौ मण्‍डली खडा जाट्‍ले, अनि नरकुङ गालामको होसे मीटाक विजय छान्‍की माह्‍योक्‍ले।

ङा नाकोकी स्‍वर्गौ राज्‍यौ साँचाको याल्‍हे, नाकै पृथ्‍वीयाङ ही छ्‍याक्‍ले, होसे स्‍वर्गाङ र छ्‍याक्‍ले, अनि नाकै पृथ्‍वीयाङ ही पीसाक्‍ले, होसे स्‍वर्गाङ र पीसाक्‍ले।”

हीजैडेनाङ सुये लहो जीवन जीवाटाक्‍च मीमन जाट्‍ले होचे सेन र मासीच जीवन गुमडीले। तर सुये ङौ लागि लहो जीवन गुमडीले, होचे सेन र मासीच जीवन डुप्‍ले।

सारा संसार मीहुटाङ पार्नाङ र लहो सेन र मासीच जीवन चहिँ गुमडीया डेनाङ, होसे भर्मीकी ही फाइदा छान्‍ने र? अथवा भर्मीये लहो सेन र मासीच जीवनौ सट्‍टाङ ही याखी ह्‍योक्‍ले?

येशूये होखुरीककी गीना, “अनि नाखुरीक चहिँ ङाकी सु हो डेले ट?” सिमोन पत्रुसै डेया, “नाको जिउँदो परमेश्‍वरौ मीजा मुक्‍ति याछ ख्रीष्‍ट हो।”

येशूये होसकी डेया, “ए योनौ मीजा सिमोन, नाको कुडीक आशिषित ले! इसे कुरा नाकै भर्मीकै डेच सेयार डेच होइन, इसे च स्‍वर्गाङ लेच ङौ परमेश्‍वर बोये न नाकोकी टान्‍हाक्‍च हो।