Populære bibelvers fra MARKA 4

Del

Jesuh cu a tho i thlitu cu, “Hrang ti hlah,” tiah nawl a pek i tilet cu, “Dai tuah,” tiah a ti. Thli cu a dai zuahmah i rili cu dai zirziar tein a um. Cun Jesuh nih annih cu, “Zeicahdah cu ti hringhran in nan thin a phan? Zeicahdah zumhnak nan ngeih lo?” tiah a ti hna.

Sihmanhsehlaw annih cu an thin a phang tuk hringhran i pakhat le pakhat cu, “Hi pa hi mi zei ko dah a si hnga? Thlitu le tilet hmanh nih dahngai a bia an ngaih ko hi,” an ti.

Jesuh cu lawng hnulei ah khan a um i chantling cungah khan a rak i hngilh. A zultu hna nih khan an va hlauh i, “Saya, kan thih dengmang cang ṭung, zei poi loin maw na um ko?” an ti.

Cun hi zong hi a chimh hna: “Nan theihmi kha ṭha tein ruat u. Nan tah hna ning tein tah nan si ve lai i tam deuh hmanh chap nan si lai.

Jesuh nih, “Pathian Pennak cu hi bantuk hi a si: Mipa pakhat nih thlaici kha a lo ah a tuh. Zan ah a it, zing ah a tho i rian a ṭuan i cu chung vialte ah khan thlaici cu an rak keuh i an rak ṭhang, sihmanhsehlaw zeitindah cuticun an si ti kha cu a hngal lo.

Cucaah theihnak hna nan ngeih ahcun thei ko u,” tiah a ti.