याहवेह घोषणा गर्नुहुन्छ, ती दिनहरू आउँदैछन्,
“जब जोत्नेले कटनी गर्नेलाई उछिन्नेछ,
र बिउ छर्नेले दाख पेल्नेलाई उछिन्नेछ।
नयाँ दाखमद्य पर्वतहरूबाट चुहुनेछन्,
र सबै डाँडाहरूबाट ती बग्नेछन्।
म मेरो जाति इस्राएललाई निर्वासनबाट फर्काएर ल्याउनेछु।
“तिनीहरूले भत्केका सहरहरू फेरि पुनर्निर्माण गर्नेछन्,
र ती सहरहरूमा बसोबास गर्नेछन्।
तिनीहरूले दाखबारीहरू लगाउनेछन् र तिनीहरूका दाखमद्य पिउनेछन्;
तिनीहरूले बगैँचाहरू बनाउनेछन् र त्यहाँका फलहरू खानेछन्।
