Populære bibelvers fra मरकुस 2

Del

यीशु ऐ शुणि करि तैन्हांं सेईतै बौलु, बिमार मैहणुवां डोक्टरेरी जरूरत आ, पण जै ठीक अत्तै तैन्हांं डोक्टरेरी जरूरत नाँ भूंती, आंउ तैन्हांं मैहणुवां शदाणनि ना यौउरा जै अपड़ै आपनि धर्मी समझतै, आंउ तैन्हांं मैहणुवां बचाणनि आ यौउरा जै अपड़ै आपनि पापी मनतै।

जेख्णी यीशु तेन्हैरा विश्वास तका, कि सै तैस पन विश्वास कातै, तैस अधरंगेरै बिमार मैहणुनी बौलु, “पुत्र, मीं तिंडै पाप माफ कियै।”

तां यीशु तेन्हांनि बौलु, “परमेश्वरेरी आरामेरी धियाड़ि मैहणुवां केरै तेईनी बंणाउरी आ, ना कि मैहणु आरामेरी धियाड़िया केरै तेईनी बणाउरै अत्तै।”

पण जेख्णी भीड़िरी वजहि ला सै यीशु किनि नीड़ न पुजै, ता तैन्हैं सैकेई छत जैस हैट सैक्यै बेठोरै थ्यै, सै पुटि करि, जैस हैट यीशु बेठौरा थ्या; जां जेख्णी तैस पुटि बेठै, ता तैन्हैं सै मन्जा जैत पन सै अधरंगी थ्या, थल्लै यीशु किनि उतारी दिता।

पण ऐठणीरै तेईनी आंउ चांहथा कि तुहां ऐ पता लगी गहिया कि मूं मतलब मैहणुरै पुत्रा धरती पनि पाप माफ कानेंरा बि हक आ। यीशु तैस अधरंगी मैहणु सेईतै बौलु, आंउ तांउ सेईतै बोलता, उठ अपड़ा मंजा चुक जां अपड़ै घरेनी गा।

यीशु यहूदिया शास्त्रिया सिंउ बौलु कि अधरंगेरै बिमार मैहणुनी ऐक्यु बोलणु मुश्किल ना कि तिंडै पाप माफ भौ ग्यै, केईनी कि कौ ऐस साबित ना करि सकता। पण कौ तेसनी ऐ ना बोलि सकता कि उठ अपड़ा मंजा उछू जां चलणा फिरना लग अगर सच मझ तैस किनि ठीक कांनेरी शक्ति ना।

सै उठा जां झटपट अपड़ा मंजा चुक्का जां सभनियांं मैहणुवां केरै सांमणै घरा किना चलि ग्या; तेत पन सारै मैहणु जै तैस तकांतै थ्यै हैरान भौ ग्यै, जां सै सारै ऐ बोलि करि परमेश्वरेरी बडियेई कांना लगै, कि “असै ऐतियु कदि ना तकाउ।”