Populære bibelvers fra WAROMA 12

Del

Ma mulawone mokuwakisha na wuyana-wu wo kiwulalu, kya indi muhende kuhalwo mochikulawukya mhie, kundu muidime iidikyana na kilya Ruwa akundi, kilya kii kicha kichihiṟye, kyawukye swai.

Ngashika aa ngamtutuma-ng'u, wanawawama, njiimwitike nyi osaṟio lu lo Ruwa, ke mudambike mbihu yo yanu iwe kidaso kiele kii na moo kichihianyi na Ruwa; kiwe wuindi wonu wusumhanyi.

Ipfo kikusihyonyi kyanu mbechihio, ipfo shiwirenyi mukuhode, ipfo wuindinyi woiterewa mukae-pfo kiheri kyose.

Ulakunde iwinzo nyi kilya kii kiwicho, kya indi kilya kii kiwicho ukiwinze ochiwuta kii kicha.

Mkundana fonu fokundana fuwe fo wakanyi kamu, ngapano moira iwe yewikyana wuindi.

Mkundie fukae fulawode wulembetseṟi. Tangaluonying'u kilya kii kiwicho, mukuwawe na kilya kii kicha.

Kokoya kyewa-ho kui pfinya yo nyo murie, kewadienying'u wandu wose ofoṟo.

Wana wa wama, Ma mulatae kiṟaache deyenyi Ruwa, kyamba kui kuṟehye kiṟaache nyi kyako inyi, nyio inyi njechitaa. Nyi wudo Mndumii ahambie.

Mulalehele ihidya siṟi, mwake-akye mrimenyi yanu mochisingya Mndumii.

Kisumbo njii-msumbe nakyo kyanjienenga njiwie orio mndu ose akeri ipfo konu, ke nalahie kyake kyekung'anyisha kyeng'anya kilya kimsuhananye, kya indi nahie-ho kyeidikya kidembo kyake chando Ruwa ahawye orio mndu kiheo kya mwidikye.

Kiwicho mndu aimbutia mulawone mochimtaa na kiwicho kingi; muwe mochikusaṟa isho shii shicha ipfo sumuhana na wandu wose.

Muwe mochikayana kui mhie fumu koorio mndu, mulawone mochihia kya shidembo shesonguo, kya indi muchumie muwodanyi na walya watutu. Mulakutane waṟango nyo muwenyi.

Kya indi iyo mkituwa opfo kawado nyi njaa kewemnenge shelya, kawado n nyoda kewemrutse mṟinga; kowika kudo nyi ochimsanya okaa lwake oo mdo-hu foke.

Walya waimterengya muwawikye ona. Ee-wo iwawikya ona, ma mulawasese. Kewechihionyi kimu na iwo wawachihie, muwelia na iwo welia.

Mudaṟane na wandu wa Ruwa kya shindo wawuṟye, mukukambiṟe ihida wahenu kui wulalutsa.

Kyamba chando so lui na mbihu fuwode shiwungo shifoi, indi shiwungosho shilai shiwawasye iṟunda lya mbaṟi imu shose. Nyi wudo naso lufoi ludi nyi lukeri mbihu fumu fuu-msanze Kristo-hu, indi kyadu so luikayana shiwungo.