Populære bibelvers fra युहन्‍ना 19

Del

येसुआ सुन्‍ताङाओ अङ्‌गुरा माङ्‌वा अ़दुङा, खोन्‍कि खोक्‍को म़य़ङा, “हान चिआ।” खोन्‍कि खोक्‍कोसाआ अ़चुताङ अ़पोम्‍सा, खोन्‍कि अ़चुसाक्‍मा खारा।

खोन्‍किना येसुआ झारा अ़चुकाचि हान चिआ निकिना अ़सिन्‍ता, खोन्‍कि साम्‍कालिन्‌दाओ य़ङ तालाने निम्‍पाङ, “अ़ङ्‌का वामित्‍मा सुवाङ” नि खोक्‍को म़य़ङा।

खोन्‍कि येसुआ अ़चुमा खोन्‍कि खोक्‍कोसाआ सोमाअ़तुक्‍ताङाओ अ़चुकाखेङ्‌पा अ़चुच़क्‌दा म़एवाङाओ अ़खाकि खोक्‍कोसाआ अ़चुमा अ़लोवा, “आमो, खा-खानुम, आम्‍नुओ छा!” खोन्‍कि मो काखेङ्‌पाछाङ अ़लोवा, “खाखो, आम्‍मा!” मोन्‍ग़रिदाङ्‌का मो काखेङ्‌पाआ मो आप्‍पिओ अ़खिम्‌दा खात्‍तु।

खोन्‍किना मोचि येसुएदा म़ताकि अ़खाहिदा खोक्‍को आत्‍थुङा म़सुवादायुङ्‌सा, खोन्‍कि खोक्‍कोसोओ अ़चुलाङ्‌चि मान्‌ओत्‌अ़दा। मेन रात्‍खामिचिएदाओ अ़क्‍छाआ खोक्‍कोसोओ अ़चुहेबेक्‌दा भेआ धुउ, खोन्‍कि मोन्‍ग़रिङा ह़ खोन्‍कि चाक्‌वा लोन्‍ता।

“खोक्‍कोसोओ अ़क्‌तात्‌छाङ अ़चुय़वा अ़ओत्‍निन्‍ने”नि साम्‍कालिन तालाने निकिना ओ य़ङ्‌चि म़लिसाओ। खोन्‍किना साम्‍कालिन्‌ओ नि अ़धाङ्‌दाछाङ य़ङ्‌याङ, “साङ्‌चिआ खोक्‍को अ़धुवायुङ्‌सा, मोचिआ खोक्‍को अ़खाङ।”

खोक्‍कोसाआ अ़चुक्रुस आप्‍पि अ़खुयाकि ताङ्‌खोयोक्‌वानि लोवाङाओदा म़खारा। मो हिब्रु य़ङ्‌दा गलगथानि लो।

खोन्‍कि रात्‍खामिचिआ त़ङ्‌खोक्‌वाओ ताङ्‌बोप्‍खा अ़बाकि खोक्‍कोसोओ अ़चुताङ्‌दु अ़बोप्‍ता, खोन्‍कि खोक्‍को हालापाक्‍पाक्‌ओ बोप्‍खु अ़हुप्‍ता।