Populære bibelvers fra Abaroma 1

Del

Aha rw'okuba tindikukwatirwa vangeli nshoni: Nigo mani ga Ruhanga agakurokora buli omoi alikwesiga, kubanza n'Omuyahudi n'atali Muyahudi kwakwo.

Kuba obugorogoki bwa Ruhanga omu kuhindura abantu kuba bagorogoki nibubonekera omu vangeli egyo; abahinduza okwesiga kwonkai. Nk'okwo Ebihandiko Bitakatifu bilikugamba, “Okwesiga kw'omugorogoki nikwo kulimugiza oburora.”

Kwema aha kutondwa kw'ensi emibere ya wenene etaboneka, nikwo kugir'oti obushoborabwe obw'eirai lyona, bumanyikira bunyanungi omu bintu ebyakatonzirwe. Aha rw'ekyo tibaina kyakwekwasa.

Kuba n'orwo Ruhanga bamumanyire tibamuhaire kitinwa okwo ali Ruhanga handiki kumusiima. Batekeleza ebitaina mugasho n'amagezi gabo g'obufera gakwatwa omwilima.

ahakuba amazima agakwete ahali Ruhanga bakagahindura bishuba, bafukamira ekitondwa bakikolera kushaaga Omutonzi ow'ekitinwa eirai lyona! Amina.

Ruhanga asingiire omw'iguru nanigalira abantu bona abatamwikiliza n'ababi abalikufakara bakafunfuniza amazima.

Aha rw'enshonga egi Ruhanga akabahwamu, baikara omu buhwanshoni. Abakazi babo basiga eby'emibili yabo yahangiirwe, bagikoza ebitali bya buhangwa bwayo. N'abashaija kutyo balekera kugenda n'abakazi okwo kihangirwe, bata nibagenda omushaija n'omushaija, abashaija bahemuka n'abashaija, ekyarugir'omwo bayeletera ekibonabonyio aha rw'okufakara kwabo okwo. Kandi okwo baboine kitalikugasha kwesiga Ruhanga, Ruhanga akabahwamu baikara n'emitima mibi, baba bantu babi.

Bakeyeta banyamagezi baba bafera, omu mwanya gw'ekitinwa kya Ruhanga nyamutafa batamu ebishushani ebilikushusha omuntu nyakufa anga ebinyonyi anga ebigunju anga ebyekurura.