Populære bibelvers fra Johana 2

Del

Kwali kwe kwamula ifilŏle neke amulye mu-Kana mu-Galilaja. Neke adzisikulage indolo dzakwe, neke navańigendwa vakwe neke navo vamufuvwage.

Neke umwene Jesu apilusage atigilage: tuli vuki nani nave, ve muki-ṅinavw’ave? Isala jangu jisina jifikila.

Neke baho Jesu neke avalongelage atigilage: ululenga mumemyage indzilo idzi. Neke baho vanegelelage, neke lumemage baha mulomo. Neke baho atigilage: lino munegage mukamupelage umuńa-kugavasa. Neke baho vakamupelage.

Neke umwene Jesu apilusage atigilage: lino uńeńe mumamulage ikyânga kya tembele iki, apo unene ndilakidzusa kipya pa kya vudatu.

Neke avilasage indzidzi neke ludzukage lusa-mbala. Neke baho avadagage vonda mutembele na dzi ṅolo dzanavo na dzi ṅambako dzanavo navakovoṅasaga imâli neke asukuliṅasage na ji mâli janavo nifitala fyanavo neke afikunamulage. Neke avene, avagulaga ingundya neke avalongelage atigilage: muhege nafyo ifi pano. Ińumba ja dâda mutane ukujihambusa ngita ńumba ja vugudzi.