Populære bibelvers fra मत्ती 9

Del

तां यीशु ने अपणे चेल्‍लेयां जो बोल्लेया, पक्के री फसल तां बड़ी है पर मजदूर घट्ट हिन। इधेरे तांइ फसल रे मालक, परमेश्वर का प्रार्थना करो कि से अपणी फसल जो बढ़णे तांइ मजदूर भेजण।

“पर तुसा जाओ अते इस गल्ल रा मतलब समझो, मैं कुर्बानी नी पर रहम चाह्‍ंदा किजोकी मैं भले अते नेक मणूआं जो नी, पर पापियां जो सदणे आये रा ए।”

अते मणूआं री भीड़ जो दिख्खी करी यीशु जो मणूआं पर तरस आया, किजोकी से उन्हा भेड़ां सांई थक्के रे अते बिखरे रे थिये जिन्हेरा कोई पुहाल नी थिया।

ए सुणी करी यीशु ने तिन्हा जो बोल्लेया, “वैद्द री जरुरत भले-चंगेयाँ जो नी पर मरीजाँ जो हुंदी।”

तां यीशु अते तिन्हेरे चेल्‍ले गलीली जिले रे मते सारे सहर ते कस्बेयां बिच जाई करी मते सारे सभास्थल बिच उपदेस दिन्दे, परमेश्वर रे राज रे सुब बसेख रा प्रचार करदे, मणूआं री बीमारी अते हर तरह री कमजोरियां जो दुर करदे रे।