Populære bibelvers fra मिका 2

Del

“ज़हा थारी कैद खाने प्रऊल़ ढोल़णीं, सह हांढणअ तम्हां आजू-आजू। तेखअ निखल़णैं तम्हैं प्रऊल़ी बाती बागै। सह आसा हुंह बिधाता थारअ राज़अ अर तम्हैं नढैऊणैं मुंह आप्पै।”

तिन्‍नां लै भाल़ केही आफ़त आसा ज़ुंण राची च़ैनैं सुत्ती कदुष्ट गल्‍ला अर बूरै काम करनै सोठा! राच भैंदी ज़ांऊं मोक्‍कअ भेटअ तेखअ करा तिहअ ज़िहअ बूरअ करनअ सोठअ!

“याकबे आद-लुआद, मेरी रही तम्हां लै ज़बान कि मुंह करनै तम्हैं सोभै कठा। इज़राईली परज़ा मांझ़ै ज़ुंण ज़िऊंदै बच़णैं, तिंयां आणनैं मुंह बापस। ज़िहअ फुआल आपणीं भेडे हेल़्ही शाल़ा भितरी झाल़ा, तिहै ई करनै मुंह तम्हैं कठा। तम्हैं हणैं दहल़ै खास्सी भेडा ज़िहै। तम्हैं हणैं हज़ारो-लाखों मणछ।