Populære bibelvers fra मत्ती 18

Del

किल्हैकि ज़िधी दूई या चअन ज़ण्हैं मेरै नांओंऐं कठा हआ, तिधी हआ हुंह आप्पू तिन्नां संघै।”

“तेखअ बोला हुंह तम्हां लै इहअ बी कि, ज़ै तम्हां मांझ़ै दूई ज़ण्हैं पृथूई दी कोई बी गल्ला लै; ज़ुंण तिन्नां मांगणीं, एकी मनें होए, तिंयां गल्ला हेरनी स्वर्गै रहणैं आल़ै बाप्पू परमेशरा तिन्नां लै दैई।

एसा गल्ला शूणीं ईशू एक होछ़अ ज़िहअ लान्हअ आप्पू सेटा शादी करै तिन्नां मांझ़ै खल़अ किअ और बोलअ, “हुंह खोज़ा तम्हां का सत्त कि, ज़ै तम्हैं आपणीं ज़िन्दगी नांईं बदल़े और लान्हैं ज़िहै भोल़ै नांईं बणें, तै निं तम्हैं स्वर्ग राज़ा डेऊई सकदै।

ज़ुंण बी आपणैं आप एऊ लान्हैं ज़िहअ होछ़अ बणें, सह हणअ स्वर्ग राज़ा दी बडअ।

“ज़ुंण बी मेरै नांओंआं करै एक इहै लान्हें कदर करा सह करा मेरी कदर।

“हुंह खोज़ा तम्हां का सत्त कि ज़ुंण बी तूह पृथूई दी तिन्नां लोगा लै रोके, सह रोकणअ स्वर्गै और ज़ुंण बी तूह पृथूई दी ज़ाज़त दैए, तेता लै भेटणीं स्वर्गै ज़ाज़त।

“ठीक इहअ ई करा तम्हैं बी आपणैं साथी भाई लै आपणैं दिला मना का पाप माफ। ज़ुंण दिला मना का माफ नां करे, ता मेरअ बाप्पू परमेशर ज़ुंण स्वर्गै आसा तेऊ बी करनअ तम्हां संघै इहअ ई।”

“ज़ुंण मुंह दी विश्वास करनै आल़ै का पाप कराऊआ तेऊ लै दैणीं परमेशरा सज़ा। च़ाऐ सह मणछ इना लान्हैं ज़िहअ किल्है निं होए। तेऊ लै हणअ त इहअ ठीक कि तेऊए गल़ै बडी टोल्ह बान्हीं करै पाणअ त सह डुघै समुंदरै डबेऊई।

“तम्हैं किज़ै समझ़ा? ज़ै कसा मणछे शौ भेडा होए, और तिन्नां मांझ़ै एक भेड़ कबाता पेठे, तै कै नडिनुंऐं भेडा छ़ाडी सह नाल़ै-धारा हर ज़ैगा तेसा लुक्की दी भेडा लोल़अ निं डेऊणअ?