Populære bibelvers fra एजकेल 18

Del

हुंह निं कोही मरना लै राज्ज़ी हंदअ। तम्हैं छ़ाडा पाप करनअ, संघा रहा ज़िऊंदै। अह गल्‍ल डाही मंऐं मालक बिधाता बोली।’”

मरनअ सह ई ज़ुंण पाप करे। शोहरू निं आपणैं ईजा बाबे पापा पिछ़ू सज़ा भुगतणे ज़रुरत आथी। नां ईजा-बाबा पल़णीं आपणैं शोहरूए पापा पिछ़ू सज़ा भुगतणी। धर्मीं मणछा भेटणअ तिन्‍नें धर्मीं कामें साबै फल अर पापी मणछा भेटणअ तिन्‍नें पापी कामें साबै फल।

तिंयां पाप करनै छ़ाडा ज़ेता तम्हैं करदी आऐ, आपणैं मन्‍नैं सोठा भलअ, आप्पू भितरी नऊंईं आत्मां संघै ज़िऊआ ज़िन्दगी। तम्हैं इज़राईली किल्है आसा मरनअ हिछ़अ द?

हुंह आसा मालक बिधाता, हुंह निं बूरै मणछा मरना लै बी खुश हंदअ। हुंह हआ एता लै खुश कि तिंयां पाप करनै का पिछ़ू हटे अर ज़िऊंदै रहे।

“ज़ै कुंण कदुष्ट मणछ पाप करनअ छ़ाडे अर मेरअ बधान मने अर भलअ करे। तिंयां बी निं मरनै आथी।

मेरै बधान अर बिधी मना सह शुचअ-पाक्‍कअ रही ज़िहअ खोज़अ द आसा तिहअ ई। इहअ मणछ हआ धर्मीं अर सह रहणअ ज़िऊंदअ। अह गल्‍ल डाही मंऐं बिधाता बोली, ज़ुंण सोभिओ मालक आसा।