Populære bibelvers fra NDANIALU 9

Del

Ku pekaha mbuu ndàba da njala banjaru-nggu lai MIRI Alanggu, “Ou MIRI Ala, Nyumu ma-bokulu-kau, tàka nyuma matembi-kau. Nyumu ununjuya na njanjimu dàngu upa-itangu-ya na pa-namungu pa-lupangu-mu lai nyuda da mambuha-nggau dàngu da ma-pahàra-nja da hupu liimu.

Tingi-kamawa, ou Ala, tàngaru-kama dàngu hamata-ya na mayila-ma dàngu na ruhana na paraingu patiki wànya na tamumu. Ma-hamaya-nggau Nyumu nda rukuna na hàmu-ama, tàka rukuna ba kanjupu mila eti dumu. MIRI, tingi-kamawa, jàma-nggamawa, hamata-kamawa dàngu lu paluangu-wa limamu! Àmbu mangenahu-du, ka napi ndàbanya tau ba Alakau Nyumu. Nadu na Yeruhali dàngu na banjaru-mu mangumu Nyumu-maha,” wànggu.

Ka hamaya weli etingu-nggunyaka lai MIRI Ala, dàngu hi kukarai-ya na mila etina. Nu ba talànga hamayangu-nggu kurotu wikinggu dàngu ku-kalambungu karungu hi ku-mandapu la kumburu tana.

Nyumu dumu ma-jàmangu njala dàngu ma-paaïngu ju - juakau, jiapa-kai ka mbàda tumbaru-manggau Nyumu.

Napa na maràmba nuna na tura pa-njanjingu ma-undungu dàngu tau dangu la ngala pihu mbua ndaungu. Napa la padua-na na rehi nuna, na-papànja-nya na wotu tanda maraku dàngu hunggu maraku. Tunaka nu na Akatu ma-pakabu patuya la Umana i MIRI dàngu napa na-padaingu lai nu lundu natàka-nya tàlaru na matunya lai nu na pambàda kawuku-nanya paraïna i Ala,” wàna.