Populære bibelvers fra Ore i mexü̃ ga Márcu ümatüxü̃ 4

Del

Rü yexguma ínarüda ga Ngechuchu. Rü buanecüna nachogü rü ñanagürü nüxü̃ ga guma naxtaxa: —¡Iyarüchiane rü íyachaxãchi! —ñanagürü. Rü ínayachaxãchi ga buanecü rü guxü̃wama ínachaxanemare. Rü yemawena ga Ngechuchu rü norü ngúexü̃güxü̃ ñanagürü: —¿Tü̱xcüü̃ ngẽmaãcü poraãcü pemuü̃ẽ? ¿Ẽ̱xna ñu̱xma rü ta tama aixcüma peyaxõgü? —ñanagürü.

Natürü nümagü ga norü ngúexü̃gü rü poraãcü namuü̃e. Rü nügüna nacagüe rü ñanagürügü: “¿Texé nixĩ ya daa rü a̱i̱xrücü ya buanecü rü yuape rü naga naxĩnüexü̃?” ñanagürügü.

Natürü ga Ngechuchu rü guma nguechinüwa wüxi ga cüxeruü̃gu naca, rü yéma nape. Rü ínanaba̱i̱xgügü, rü ñanagürügü nüxü̃: —Pa Ngúexẽxẽruxü̃x, ¿ẽ̱xna cuxü̃́ nanataxuraxü̃ma nax nuxma ibaxü̃güxü̃? —ñanagürügü.

Rü ñanagürü ta nüxü̃: —¡Mea naga pexĩnüe i ngẽma nüxü̃ pexĩnüexü̃! Rü ngẽxguma pema aixcüma naga pexĩnüegu i ngẽma nüxü̃ pexĩnüexü̃ rü Tupana rü tá aixcüma pexna nanaxã i cua̱x. Rü yexera i cua̱x tá pexna naxã.

Rü Ngechuchu rü ñanagürü ta: —Pemaxã tá nüxü̃ chixu i wüxi i ore i cua̱xruxü̃ nax nüxü̃ pecuáxü̃ca̱x nax ñuxãcü ãẽ̱xgacü nax yixĩxü̃ ya Tupana. Rü wüxi ya yatü rü waixü̃mügu nanato ya triguchire. Rü nüma ya yatü rü chütacü nape rü moxü̃ãcü ínarüda, rü yoxni ya yima triguchire rü narüxü rü niyachigü. Natürü nüma ya yatü rü tama nüxü̃ nacua̱x i ñuxãcü nax naxüxü̃ rü nax nayaxü̃.

Rü yíxema ãchi̱xẽgüxe, ¡rü nüxü̃ taxĩnüe i ngẽma ore! —ñanagürü.