Populære bibelvers fra Tekang Kbuten 15

Del

Tódô hentahu Abram yóm mon Dwata mò du yó. Ne lemwót bè yóm kehtahuhen du yóm udél Dwata, yó gónón tedeng kton Dwata du.

Kogolen bè yó, tódô hegfan bè Abram Dwata, ne gungol Abram yóm udél Dwata ebéléen, monen, “Ó Abram, hol béi abay hlikò. Tendo kenlungu uu anì laen dù tau hemsidek kóm ne angat wen tey ofol blayu kóm.”

Omin Dwata mit du hewà, ne monen mò du, “Temngeli ebè longit dé bè yó kem blotik, tilów nsóhem lu. Yóm alì kwen le yó, hol lómón yó se angat kwen yó kem semfu gu béléem.”

Bud gungol Abram yóm udél Dwata ebéléen, monen, “Yóm tau tóbóng lówóhem yó, là kô angat gfunen du kun yó kem kendengenem. Hol kóm ngà logi yóm angat mfun du.”

Ne yó mon Dwata mò du, “Yó kem sfuhem, angat le milo ebè tólóng benwu. Botong fat latu halay kegen le ghesek ditu, ne tey sidek kehlayam le kul.

Okóm yó balà Abram du, monen, “Ó Dwata yóm hol dandónen geta, tedu se tô muhu du yóm ofol blayem dou yó ke laen dù ngau? Tek són angat gemfun du yó kem kendengenu, són Ilisér yóm tau lemwót bè Damaskus.

Bè yóm igoen mton du yóm yó koni, tódô gungol Abram yóm fasad Dwata du, monen, “Yó fasadu kóm, angat blayu bè yó kem bólem yóm klamang yóm tonok ni, lenwóten ditu bè kilil Idyip efet kól ditu bè Él Yufratis

Okóm yó kem sfuhem yó, yó he kulék le edini bè yóm benwu ni ke deng fat bud lugod le bè yó, abay se là tagad hdóhu kul he yó kem tau Amurayt menwu bè yóm benwu ni. Yó he kehdóhu kul ke sok deng gulé yóm sidek nmò le, ne là gbeku du ke là tnafaku kul.”