Populære bibelvers fra MATIUS 8

Del

Nangulimo Yesus ka ira, “Nokuya komi naeka? Komi tanu tau to nakura pomparasaya!” Naopu etu nekanggoremo I'a pade nanguli, “Poiri ante balumba, penontomo!” Pade kaliu-liu naoto puramo rano etu.

Tapi nangulimo balengga tantara etu, “Uma, aku e'i da'a masipato mantarima Komi riara njapoku. Aga ulimo sambela rombela pade batuaku etu kana mabelo.

Sangga nangepe tesa etu nasumaramo Yesus, pade niulina ka tau dea to nantuki I'a, “Aku mpu'u-mpu'u notesa ka komi, nau ri ja'i ntau to Yahudi da'a ria sanggani nirataku pomparasaya ntau to naroso ewa pomparasaya ntau e'i!

Pade nangulimo Yesus ka balengga tantara etu, “Panjilimo. Nuapa to niparasayamu etu kana majadi.” Pade ri tempo etu wo'u nabelomo ju'a nu batuana.

Nanggita kajadia etu nasumara puramo anaguruna sampe ira nanguli, “Isema tanu kakonona tau e'i sampe poiri bo balumba natundu ri ja'ina?”