Populære bibelvers fra 2 Vakorinto 4

Del

Kha hi nga ni mhaka ni si si wonekako, aniko hi ni mhaka ni si si si wonekiko, nguko asi si wonekako sa pinda, kasi asi si si wonekiko kha si na magwito.

Ngu toneto, kha hi gumi mtamo. Hambi mmidi wathu ngu ha hanze wu txi maha wo onheka, kambe ngu mndani wu hinduka wu txi maha wa wuphya ditshiku ni ditshiku. Kuxaniseka kuwa kwathu ko hehuka, i ku ka mbimwanyana ya yidotho, ku hi longisela thomba ya hombe ya wudhumo wu wu si gumiko, ayi yi pindako kotshe kualakanya ka m'thu.

Ka otshe makhalo ha kamwa ngu sixaniso, aniko, kha hi gumi mtamo. Ha kana-kana, aniko, kha hi rereki. Ha xuphwa, aniko, kha hi tshotshi likholo lathu. Ha vengelwa, aniko, kha hi fuviswi

Aniko, thomba yi hi ku nayo, yi vekilwe mu ka siya sa dibumba, kasiku ti txi zivaneka ti to mtamo wuwa wa hombe wuta ngu ka Txizimu, kha wu ti ngu kwathu.

Ngu vona vale va si kholwiko, ava Txizimu txo biha txa ha mafuni txi nga va maha mabhofu mapimoni kwawe, kasiku va si woni liwoningo la Evhangeli ya wudhumo wa Kristu, awu i ku txifananiso txa Txizimu.

Txizimu txi txi nga womba ti to ku na tumbuluke liwoningo mu ka txidema, ngu txona txi nga woninga timbilu tathu, kasiku nanathu hi txi woninga vathu ngu wuzivi wa kuphatima ka Txizimu, aku ku wonekako ka Kristu.