Populære bibelvers fra ROMA 1

Del

Emesare, dere Yesus Akot Atakam eemnak ambesemkorommin. Era Akot Atakam, ere Allah fiaknak pak are. Erarawa Allah, Yesus Akot Atakam eemnak bamesemkorom owe ajortaerem. Are Yahudi owe bonak ajortaerem. Wanam, Are Yahudi apok oweam ajortaerem.

Allah, wan owe, turunak owe, emes atakam asakamtiim. Ere Allah eemnak ambesemkorommas owe taka are, Yesus Akot Atakam ere, era atakam are. Ere Alkitab atakam jipu: “Allah eemnak ambesemkorommas owe, turunak owe atakam asakamtiim. Era owe, ere jiine owe erare.” Alkitab emes atakam akorem.

Me Allah ara tapirmi akenemapome baream, waa ara aemansaram, owe, Allah afiak pak bakari apoknak, emes aporaaris. Anom, Allah aoememe tayieakot, emes aporaaris. Owe, Allah aoememe, baemepor asan apok. Me, owe Allah akenemapome pak aportas, are aoememe bapor asan erare. Emesare, era owe, era aemaaris dosa, baemepatimtii asan apok.

Era oweam Allah amsam. Me, are, Armat Ipit basitim potan. Are, “Wore Allah anakot,” emes bajie apok. Are, terima kasih atakam Allah bakorom apok. Abimak binip ere, pota. Abimak binip jaos anama jiitinak.

Are anakotnak Allah bamesem potan. Me, are wan pote fiak pak asitimes. Are Allah akenemapome pak asitimes. Are era pak atakam ji aees. Are ere, era pak akenemapome Ipit basitim apok. Are aatakam ji bae apok. Owe ere, Armat Ipit tere baeomaartas. Emesare, ara atakam, ere atakamnak.

Emesare, owe dosa aememas. Are jaos pak aememas. Erarawa are wan owe Allah atakamnak jane bajiekorom akekememas. Allaham era aememas pak bifane afeomem. Erarawa Are bajurusum pak era owepu ataendaemum. Are era pak aporomtamum.

Emesare, Allah era owe era pota pak baem apore. Ararawa, era owe, pota pak aseseromes asan pota pak baemaar, ambompime. Emesare, era owe atapesti ambiis damo bajukun apok. Tapes ere, armamon asan pota pak aemes. Ambiisam emes taka aemes. Are atapesti damo bajukun apok. Oorey, armamon jak ajamsenamemes. Are asan pota pak ajamemames. Emesare, Allah, era owe ajurusume. Era ajurusume pak, era owe aemes potanak dosa jipu. Era owe, Allah atakamnak, bimak binip bajanimomem potan. Emesare, Allah era owe asan pota pak bimak binip batetaramaar ambompime. Are era owe asan pota pak baemaar ambompime.

Era oweam, “Damsamnak,” Emes atakamam aesimemas. Me, are jandanak. Are jiinenak Allah basitim ambompimes, wanam eto asitimes. Era eto, jiine apok asamot owe apaye, sakao apaye, bai ajiejaremas pak apaye, tupuni ajiejaremas pak apaye, emes tamen are.