Populære bibelvers fra YOHANES 2

Del

Yesus era pak Galilea tapirmi kota juas Kana aeme. Ere bonaknak aeme jinim bae pak erare. Era jinim bae pak ere aakotipitnak aememe baporomtam are. Emesare, abajamkai oweam, Armat Ipit eemnak ambesemkoromes.

Yesus arawa, “Ao! Atakam Dera basakamtam bas. Me De jinim bae pak baem, atokom.” Emes atakam aesime.

Yesusam atakam era karai baetam owe akorome. “Era bwi pak takes bwi baoweapomteteray.” Emes atakam aesime. Erarawa are bwi iimtipnak aoweapomteteres. Armat Ipit arawa, “Emesare, era bwi pak bomon bwi bajirtaeray. Wanam era pakambwi armat ipit atoomtinay.” Emes atakam aesime. Era owerawa, era bwi, pakambwi armat ipit atoomtintames.

Yesus arawa, “Allah Tame atietiiay. Derarawa, bare bamintep era tame aoeapomtemin.” Emes atakam aesime.

Armat Ipit arawa, dem wusup pak akenemapome. Are era owe takesam, idombaam, asapiam, Allah Tame bomon ambirimjisime. Are era uang jow bauumamtaa owe era uang bambi apatakumdaeme. Are ameja takes bipare awasimtaera awaimosoma ajaie. Are atakam era pari sakao jow bauumamtaa owe akorome. “Ara pak takes bataeray. Tare Deritipit Tame, pak bajit tame baferemtii bas.” Emes atakam aesime.