Populære bibelvers fra 2 TIMOTIUS 2

Del

Useuha kheueh lé gata deungon biet-biet mangat Allah geuangkée gata sibagoe ureuëng nyang patot tamubuet keu Gobnyan. Useuha kheueh mangat gata bék malée keuhai buet gata nyan, dan gata purunoe ngon jeulaih dan beutôi keuhai ajaran nyang beuna nibak Po teu Allah.

Peujiôh kheueh peue-peue nyang jiharok lé ureuëng muda. Useuha kheueh ubak udeb lagée nyang geulakée lé Allah, seutia nibak ajaran Gobnyan dan teugaséh seusabe manusia, dan na até nyang teuntram. Udeb kheueh ngon awaknyan nyang jilakée tulông ubak Tuhan ngon até nyang murni.

Ureuëng nyang mubuet keu Tuhan hana patot jimeudakwa; jihnyan meuseuti ramah ateueh mandum ureuëng, dan hase jipeurunoe gob ngon jroh dan saba.

Meunyoe geutanyoe hana seutia, Gobnyan teutab seutia, sabab hana hase Gobnyan meubeda ngon droe Geuh keudroe.”

Jihnyan meuseuti ngon leumoh leumbot jipeurunoe ureuëng nyang galak meulawan; mudah-mudahan Allah geubri watée keu ureuëng-ureuëng nyan keu jimeutobat nibak mandum desya-desya awaknyan dan jituri keu ajaran nyang beuna.

Peujiôh kheueh tutoe haba nyang hana manfaát dan nyang teuhina Allah. Tutoe haba nyang lagée nyan teuma teuba manusia bak buet nyang leubeh jeuhet.